Tapiissutinik qinnuteqarit
Sponsorpolitik
Tapiissutit pillugit politikki
Tapiissutit pillugit politikki
SUliffeqarfittut Namminersorlutik Oqartussanit pigineqartutut ataatsimuussusermillu tunngavilittut Royal Greenlandip inuiaqatigiinni akisussaaqataanini pimoorulluinnarpaa. Ukiup siuliani aningaasaqarnikkut unammillernartut aqqusaakkagut tunngavigalugit suliffeqarfissuarmi tamarmi sipaarutaasinnaasunik pisarialinnik atuutilersitsivugut. Suliniutit taakku suliffeqarfitta piujuartitsineq tunngavigalugu siunissaqarnissaata qulakkeernissaanut aningaasaqarnikkullu pitsaanerusumik inissisimaqqilernissamut pingaaruteqarluinnarput.
Sipaarniuteqarnernut ilanngullugu maannamut tapiissuteqartarnermut politikkerput allanngortittariaqarparput. Taamaammat ukiup sinnera aningaasanik tapiissuteqartassanngilagut. Tunisassiatsinnilli ajunngitsuliorluni inuiaqatigiinnullu iluaqutaasunik siunertaqartumik qinnuteqarnerit suli suliarisassavagut.
Taamaaliornikkut allanik tunniussaqarluta najukkami innuttaasunik tapersersuiinnarsinnaavugut.
Suleqatigisartakkatta innuttaasullu paasinninnerat tapersersuinerallu qujamasuutigaarput, tapiissuteqartarnerullu, matumanittaaq aningaasanik tapiisarnerup, ukiuni tulliuttuni aallarteqqinnissaa qilanaaraarput.
Pr. 13.05.2024
Tapiissutinik qinnuteqarit
Nunatsinni inuiaqatigiit pitsaasumik ineriartornissaat tapersersorniarlugu sammisaqartitsinerit uku Royal Greenlandip tapiissuteqartarnermut politikkia naapertorlugu tapiissuteqarfigineqarput:
- inuusuttut amerlanerit ilinniagaqarnissaat
- inuit amerlanerusut timersortarnissaat
- inuit inuunerminni unammillernartoqartut nuannersunik misigisaqarnissaat
- napparsimasut ilaqutaasullu tapersersorneqarnissaat
- inuit amerlanerit meeqqat pisinnaatitaaffiinik ilisimasaqalernissaat
- inuit amerlanerit peqqinnartunik nerisaqarnissaat
- namminneq kajumissutsiminnik suliniuteqartut suliniutaat pillugit tapersersornissaat
Qinnuteqaat nassiuguk
Qinnuteqaat nassiuguk
Tapiissutinik qinnuteqarniaruit qinnuteqaatit e-mailimut uunga nassiussinnaavat: tapiissutit@royalgreenland.com
imaluunniit uunga:
Royal Greenland A/S
Qasapi 4, Postbox 1073
3900 Nuuk
Tapiissuteqartarnermut politikkerput pillugu uani paasisaqarnerugit
Ilinniarnermut tapiissutit
Royal Greenlandip akissaatikitsut qitornartik efterskoleriartinnissaanut, atuariartortinnissaanut il.il. tapiiffigineratigut inuusuttut amerlanerit ilinniagaqarnissaasa tapersersornissaat kissaatigaa.
Royal Greenlandip inuusuttut, atuaqatigiit, eqimattat inuit ataasiakkaalluunniit amerlanerit kalaallisut, danskisut, tuluttut, kisitsisilerinermi, pinngortitalerineq pillugu atuartinneqassasut kissaatigaa kiisalu piginnaanngorsarlutik pikkorissarnissaat tapersersorumavaa, soorlu ukunani:
- Atuartitsissutini qulaani taaneqartuni piginnaanngorsarnissaq siunertaralugu oqaatsinik pikkorissarnissamut tapiissutit
- AFS-imut efterskoleriarnermut il.il. tapiissutit
- Inuusuttunut ilinnialerusuttunut suliffissarsiortunullu ilinnialernissaq siunertaralugu atuartitsissutini qulaani taaneqartuni karakteriminnik qaffassaajumasunut tapiissutit
- Atuaqatigiit eqimattalluunniit atuartitsissutini qulaani taaneqartuni ilinniartinneqarnerisa qaffassarnissaat siunertaralugu pikkorissarnernut tapiissutit
Kina tapiissutinik qinnuteqarsinnaava?
- Atuartut, inussuttut ilinniartut angajoqqaallu
- Sivikitsumik sivisuumilluunniit suliffissarsiortut nunatsinni najugallit
- Ilinniarnermut siunnersortit, atuartitsisut, sungiusaasut il.il.
Qinnuteqarneq takussutissiinerlu
Tapiissuteqartarnermut suleqatigiissitat qinnuteqaammik naliliissappata takussutissat uku qinnuteqaammut ilanngunneqassapput
- Qinnuteqaat tunngavilersugaq
- Atuarfimmi pikkorissarfissami atualernissamut uppernarsaat
- Angajoqqaat isertitaat namminerlu isertitat pillugit nalunaarsukkat. Qinnuteqartut isertitakitsut salliunneqassapput
- Najugaqarnermut uppernarsaat
- Ilinniaruit – ilinniartuunerit pillugu atuarfigisanniit uppernarsaat
Tapiissutit qaqugukkut tunniunneqartarpat?
Tapiissutit pisussaq pitinnagu aammalu billetsimik inniminniisimanermut uppernarsaammik imaluunniit akiliisimanermut uppernarsaammik takutitsinikkut tunniunneqartarput
Tapiiffigineqarsimaguit?
Tapiiffigineqarsimaguit pikkorissarnerit, efterskolernerit il.il. pillugu minnerpaamik quppernernik marlunnik takissusilimmik ajornanngippallu assitaqarlunilu najukkap allassimaffianik ilalimmik nalunaarusioqquneqassaatit.
Timersornermik sammisaqartitsinissamut tapiissutit
Royal Greenlandip Timersoqatigiit Kattuffiat suleqatigiinnissamut isumaqatigiissuteqarfigigamiuk Royal Greenlandip timersornermut aningaasaataanut agguagassanut Timersoqatigiit Kattuffiannit aqunneqartunut 200.000 koruuninik tunissuteqartarpoq.
Aningaasat agguagassat makkununnga siuarsaallutillu qulakkeerinnissapput
- timersoqatigiiffiit, suliniaqatigiiffiit nunatsinnilu najukkani ataatsimoorfiit nalunaarsorsimasut suliniutinut timersornermut tunngasunut Timersoqatigiit Kattuffiata 2030-mi nunarsuarmi timersorfiunerpaanngornissamut anguniagaanik tapersersuisut tapiissutinik qinnuteqarsinnaanissaat
- Suliniutit timersornermut tunngasut najukkani iluaqutaasut
- Nammineq kajumissuseq atorlugu suliniutit najukkani allanngueqataanerup ukkatarineqarlunilu inerisarneqarnissaanut peqataanissaq
- timersornerup nuannequtaa amerlanernik misigineqarniassammat, ulluinnarnilu ileqqut ilikkarneqarlutillu ataatsimoorneq nukittorsarneqarniassammat ataatsimoorluni samisaqartarnerup qaffassarneqarnissaanut peqataanissaq
Kina tapiissutinut qinnuteqarsinnaava?
Aningaasat agguagassat peqatigiiffiit Timersoqatigiit Kattuffianni ilaasortat qinnuteqarfigisinnaavaat, taamaammallu peqatigiiffiit qinnuteqartut Timersoqatigiit Kattuffiannut ilaasortaanissaat piumasaqaataavoq. Tapiissuteqartarnermut suleqatigiissitat qinnuteqaatit nalilersorlugillu tapiissutit akuerisarpaat.
Inuuniarnermikkut unammillernartulinnut tapiissutit
Tapiissutit inuuniarnermikkut unammillernartulinnut, soorlu meeqqanut, inersimasunut, angerlarsimaffeqanngitsunut, tunngaviusumik pisariaqartitanik allanik amigaatilinnut, persuttagaasimasunut il.il. tunngasut Royal Greenlandip tapiissuteqartarnermut politikkiani pingaartinneqarput.
Taamaammat inuuniarnermikkut unammillernartoqartut nuannersunik , soorlu umiatsiarnernik, nuannisariarnernik peqqinnartumillu sammisaqartinneqarsinnaanissaat suinertaralugu qinnuteqartut tamarmik tapiiffigineqarnissaminnut immikkut naliliiffigineqassapput.
Qinnuteqarneq takussusissiinerlu
Tapiissuteqartarnermut ataatsimiititaliap qinnuteqaatit suliarissappagit takussutissat uku qinnuteqaammut ilanngunneqassapput
- Qinnuteqaat tunngavilersugaq
- Sammisaqartitsinermut missingersuut imaluunniit akiliisimanermut uppernarsaat.
Tapiissutit qaqugukkut tunniunneqarsinnaappat?
Tapiissutut sammisassaqartitsineq sioqqullugu tunniunneqartarlutillu sammisassaqartitsinermut akiliutinut uppernarsaammik akileeqqusissummilluunniit takussutissiinikkut tunniunneqarsinnaapput.
Qinnuteqaammut akissut
Ilinniarnermut atuariartornissamullu tapiissutit ukiup ingerlanerani ataavartumik nalilersorneqartarput.
Sammisanut allanut tapiissutit qaammatit pingasukkaarlugit nalilersorneqartarput.
Qinnuteqaatit qulaani allassimasutut takussutissiinissamut piumasaqaammik eqquutsitsinngitsut tamakkiisumik suliarineqarsinnaanngillat. Taamaammat takussutissat pisariaqartut qinnuteqaammut ilanngunnerlugit maluginiaruk.
