Paasisaqarnerugit Aalisakkat & qaleruallit

Tunisassiat piareeriikkat

Royal Greenlandip tunisassiai piareerikkat atorlugit aalisakkat nutaat mamarunartullu pisariitsumik sukkasuumillu sassaalliutigineqarsinnaapput

Tunisassiaatigut piareeriikkat nerpiupput assigiiaartumik aggoriigaallutillu kissarsuummut ikkuteriaannaat. Nerpiit assigiimmik angissusillit iggavinni minnerni annernilu nerisassiarissallugit ajornanngillat, igasut taamaalillutik aalisakkanik peqqinnartunik, ajornaatsunik inuussutissartaqarluartunillu nerisassiorsinnaapput.

Tunisassiat

Royal Greenlandip nerisassiaatai ineriikkat Espersen A/S-mik suleqateqarnitsigut Koszalinimi Polenimiittumi annerusumik tunisassiarineqartarput.

Tunisassiat nalunaarsirsimaffiat

Igaffissuaqarfiit

Tunisassiat piareeriikkat takukkit

Aalisakkat suussusaat

Tunisassiorfik Koszalinimiittoq Royal Greenlandip aalisagaataanik natermiunik, pingaartumik suluppaakkanik qaleralinnillu, tunisassiornissamut immikkut piginnaanngorsarnikuuvoq. Oquutaasat, søtunge, oquuttat, saarulliit Atlantikup Avannarpasissuaneersoq, saarulliit Alaskameersut kapisillillu suliarineqartarput. Piareereerlugit tunisassianut qaleruallit amerlanngitsut, annerusumik raajat uusut qalipaajakkallu, atorneqartarput.

Tunisassiassanik suliaqarneq

Aalisakkat ooqanngitsut aalisakkatut tukertitaanngitsutut kiisalu immikkut ittumik tunisassiatut tunisassiarineqartarput. Aalisakkat tukertitaanngitsut tassanngaanniit poortorneqarlutillu tunineqartarput, imaluunniit tunisassiatut piareeriikkatut tunisassiarineqartarput. Koszalinimi tunisassiornerup 35%-ia aalisakkanik tukertitaanngitsunik tunisassiornermiippoq. Tunisassiorfik suluppaakkanik, nakunanik, saarullinnik Atlantikup Avannarpasissuaneersunik qaleralinnillu nutaanik qerisunillu tigooraallunilu makkuninnga tunisassiortarpoq:

Nerpiit puuginnarlugit qerititat
Nerpiit imusat imaluunniit peqitat

Aalisagaq niaquerlugulu erlaveerneqaqqaartarpoq, tassanngaanniillu saleriarlugu uullineqartarpoq. Kingorna nerpiiarneqariarluni qeritilluguluunniit nerisassiareriaannartut aggorneqartarpoq. Maskiina assaalluunniit atorlugit nerpiiaallunilu uullisoqartarpoq. Royal Greenlandip Koszalinimi tunisassiorfia pingasunik nerpiiaaveqarpoq, pingasunik uullisarfeqarpoq pingasunillu nerpinnut nerisassiareriaannarnut (loins) agguiveqarlunilu assaat atorlugit annerusumik qaleralinnut nerpiiaaveqarpoq.

Suliaminnut pikkorissunit suliarineqartarput

Qalerallit annerusumik Koszalinimi sulisutsinnit pikkorissunit assaannarnik nerpiiarneqarlutillu, saaniiarneqarlutillu tisaneqartarput.

Naggataatigut aalisakkanik tukertitaanngitsunik tunisassiat ataasiakkaarlugit qerinasuartinneqartarput (IQF). Tunisassiagut tassanngaanniit pisisartunut nassiunneqannginnerminni poortorneqannginnerminnilu imermik illersuutissamik qallerneqartarput. Amerlasuut tunisassiorfimmi immikkut ittumik tunisassiassanut atorneqartarmata tunisassiorfiup iluani ingerlaarfimmut allamut ingerlateqqinneqartarput.

Immikkut ittumik tunisassiat

Aalisakkat tunisassianut piareeriikkanut atorneqartartut annerusumik Koszalinimi suliarineqartarput. Aalisakkat ooqanngitsut ingerlannaq immikkut ittumik tunisassiarinerisigut nutaajunissaat, pitsaanerpaanissaat kiisalu tunisassiorfiit marluusut akornanni qanimut suleqatigiittoqarnissaa qulakkeerneqartarpoq.

Tunisassiorfik Koszalinimiittoq tunisassianik piareeriikkanik arlalinnik tunisassiortarpoq, soorlu ilaatigut makkuninnga:

Nerpiit siatassatut qallikkat
Nerpiit iffiugassiamik puukkat
Nerpiit immikkat
Aalisakkat seernartulikkat qallikkallu
Suppit

Koszalinimi nerpinnik siatassatut qallikkanik tunisassiornerup iluani tunisassiat arlallit Meuniéretut tunisassiarineqarlutillu annikitsumik kiisalu pisarneq malillugu qallerneqartarput. Qalliinermi periuseq malillugu iliuutsit pingasuukkajupput, matumanilu qalliinerup qanoq ittuunissaa kiisalu tunisassiat kissarsuummut ikkuteriaannartut tunisassiarineqarnersut apeqqutaasarpoq. Royal Greenlandimi suluppaakkat oquutaasallu nerpii siatassatut qallikkanik tunisassiornermi ataasiarlugit marloriarlugilluunniit qallerlugit annerusumik tunisassiarisarpagut. Tamatuma saniatigut aalisakkat siatassiat amitsukujuut nerpimerngillu tamussiussassat Koszalinimi tunisassiarineqartarput.

Nerpiit siatassatut qallikkat

Nerpiit siatassatut qalligassat suliaralugit aallartinneqarput

Nerpiit iffiugassiamik poorlugit piareeriikkatut tunisassiat kullerit, lyssejit saarulliillu atorlugit tunisassiarineqartarput. Nerpiit siatassatut qallikkat assigalugit nerpiit iffiugassiamik puukkat tunisassiornermi iliuutsit pingasut atorlugit tunisassiarineqartarput, soorlu assersuutigalugu nerpiit aggukkat iffiugassiamik puukkat nerpimerngillu tamussiussassat taamatut tunisassiarineqartartut. Tunisassiatta ilaat oliemut 200°C missaannik kissassusilimmut sianneqaqqaartarput. Tunisassiat piareeriikkat siaqqaarneqaraangamik kissarsuummut ikkuteriaannanngortarput. Nerpiit immikkat tassaanerupput suluppaakkat oquutaasalluunniit.

Royal Greenlandimi nerpiit immikkatut tunisassiat siatassatut qalligaasinnaapput, aammattaarli qallernagit miseqqamik moussemilluunniit immerlugit imuneqartarput. Nerpiit immerlugillu siatassatut qallikkat nerpinnik marlunnik akorngisigut immerlugit patitsitatut tunisassiarineqartarput.

Nerpiit immikkat

Royal Greenland nerpinnik immikkanik tunisassiaaterpassuaqarlunilu nerisassiornermi najoqqutassanik ineriartortitsiuarpoq. Nerpiit immikkat sianneqareerlutillu kissaarsuummut ikkuteriaannaagamik ajornaatsuaqqamik nerisassiarineqarsinnaallutillu mamarput.

Royal Greenlandimi aalisakkat seernartulerlugilluunniit qallikkat assigiinngitsunik tunisassiarineqartarput. Nalinginnaasumik saarullik Atlantikup Avannarpasissuaneersup nerpia qaavatigut qallerlugu seernartulerluguluunniit tunisassiarineqartarpoq. Seernartulikkanik pisissagaanni sød chilimik, hvidløginik, naasunik mamarsaatissanik, BBQ-mik rød thai-millu akulinnik pisisoqarsinnaavoq. Aalisakkanik qaavisigut qallikkanik pisissagaanni indisk karrymik tomatinillu akoorlugit mamarsaasikkanik pisisoqarsinnaavoq.

Aalisakkanik suppilianut tunngatillugu Royal Greenlandip Koszalinimi tunisassiorfia piareeriikkanik kissarsuummullu ikkuteriaannarnik tunisassiortarpoq. Boullabaissemik nalinginnaasumik peqqussuarnillu suppiliortarlutalu nerisassiornermi najoqqutassaatigut pioreersut ineriartortillugillu misilerartarpagut kiisalu nutaanik najoqqutassiortarluta.

Nerisassat pisariitsut

Suppit Royal Greenlandimeersut inummut ataatsimut naleqquttumik poortugaallutillu ajornaatsunnguamik imermut qalattumut imaluunniit mikroovnimut kissanneqarsinnaapput.

Immikkut ittumik tunisassiagut tunisassiorfimmit poortorneqarnissamut ingerlateqqinneqannginnerminni ataasiakkaarlugit qerinasuartinneqartarput (IQF).

Royal Greenlandip Koszalinimi tunisassiorfia Clean Labelinik tunisassiortarportaaq, tunisassiallu taakku tassaapput pinngortitami pioreersunik akuugaallutillu mamassusigisassamittut mamassusillit. Tunisassiat Clean Labeliusut akuutissiartaqarnatillu, genii allanngortitaanatillu nalinginnaasuinnarnik ilisimaneqarluareersunillu taamaallaat akoqarput.

Clean Labelinik tunisassiagut uani paasisaqarfiginerukkit.

Poortuutissat

Tunisassiat naammassineqaraangata poortorneqarnissamut ingerlateqqinneqartarput. Royal Greenland inuussutissalerinermi niuertarfeqarfinnilu pisisartut piumasaat eqquutsikkumallugit assigiinngitsunik poortuutissaateqarpoq.

Tunisassiat oqimaalutarneqartarput, poortorneqartarput ersarissumik nalunaaqutserneqarlutillu oqimaalutaqqinneqartarput. Tunisassiat poortuisarfimmit ingerlaqqitsinnagit saviminernut malussajasukkoortinneqartarput, matumani saviminimerngit tunisassianeeratarsinnaasut pinaveersaartillugillu inuussutissalerinermi isumannaallisaanissamut piumasaqaatit sukannersut malinneqarnissaat qulakkeerneqatarpoq.

Poortuutissat

Poortuutissat suulluunniit Koszalinimi isumagineqartarput, soorlu assersuutigalugu suppit niuertarfeqarfinnukartussat kiisalu kartonngit aalisakkat tukertitaanngitsut nerpiinik imallit igaffissuaqarfinnukartussat poortorneqartarput.

Tunisassiat poortuisarfimmeereeraangamik meqqilerneqartarput, pallenut iliorarneqartarput nunarsuarmilu tamarmi pisisartunut nassiunneqartinnatik qerititsivinniisinneqartarput.

Pitsaassusilerineq

isisartutta tunisassianik pitsaanerpaaginnarnik pisinissaat qulakkeerniarlugu ullut tamaasa tunisassiassanik, akussanik, maskiinanik, poortuutissanik tunisassianillu naammasseriikkanik misissuisoqartarpoq. Tunisassiat naammassisat nalunaaqutsersuutaannik tamanik misiliutissatut toqqorsisoqartarpoq, taakkulu tunisassiap attartussusaa naallugu ingerlaavartumik pitsaassusilerinermi nakkutilliinermut atorneqartarput. Tunisassiat tamarmik tamakkiisumik paasissutissartaqarnissaat anguniarlugu SAP-imut nalunaarsorneqartarput.

Pitsaassusilerineq pingaaruteqarpoq

Royal Greenlandip suliffeqarfimmut suleriutsinullu tamanut ilaalluinnartumik pitsaassusilerisarpoq. Tunisassiat tamarmik tunisassiorfinnit annissortinnagit misissoqqissaarneqarlutillu ooqattaarneqartarput.

Tunisassianik nutaanik ineriartortitsineq

Royal Greenlandip Koszalinimi ineriartortitsivittut igaffigisaani tunisassianik ineriartortitsisuvut uagut, niuerfiup pisiartuttalu akornanni aqqusaarneqartartut pingaarutilippassuit ilaanniipput. Ineriartortitsivittut iggavimmi pisisartut piumasaat, nerisassiornermi najoqqutassanik iluarsiinerit kiisalu tunisassianik nutaanik ineriartortitsinerit isumagineqartarput. Ineriartortitsivittut iggavik tunisassiorfimmik qanimut suleqateqartarlunilu tunisassiat akui tamaasa ilisimaqqissaarpai, taamaalillunilu tunisassianik nerisassiornermilu najoqqutassanik nutaanik isumassarsinissamut, ineriartortitsinissamut ooqattaarinissamullu suleqataalluartarpoq. Nerisassiornermi najoqqutassanik nutaanik ineriartortitsillunilu najoqqutassanik pioreersunik naleqqussaaneq nammineq kajumissutsimik kiisalu avataanit piumasat malillugit pisarpoq, matumani pisisartut Royal Greenlandimit isumassarsiorsinnaanissaat nunarsuarmilu tamarmi niuerfiit piumasaasa eqquutsinnissaat ingerlaavartumik qulakkeerneqartarpoq.

Gluteniiaakkanik qallikkat

Tunisassiaatigut igaffitsinni ooqattaarivinni ineriartortinneqarlutillu ooqattaarneqartarput, taamaalillunilu tunisassiat assersuutigalugu oquuttat raspinik gluteniiakkanik qallikkat pitsaanerpaanissaat isumagineqartarpoq.

Tunisassiat piareeriikkat nerisassiaralugit

Royal Greenlandip tunisassiai piareeriikkat atorlugit meeqqanut inersimasunullu aalisakkanik nutaanik mamartunillu ajornaatsumik nerisassiortoqarsinnaavoq. Aalisakkat tukertitaanngitsut nerpiinik

Aalisakkap tukertitaanngitsup nerpia, suppi kissalaartoq imaluunniit nerpik raspinik qallerlugu siataq illigigaanni, taava pisisartugut tunisassiatsinnik piareeriikkanik pitsaanerpaanik toqqagassaqarluarput.

Nerisassiaatigut piareeriikkat nerpiupput assigiiaartumik aggoriigaallutillu kissarsuummut ikkuteriaannaat. Nerpiit assigiimmik angissusillit iggavinni minnerni annernilu nerisassiarissallugit ajornanngillat, igasut taamaalillutik aalisakkanik peqqinnartunik, ajornaatsunik inuussutissartaqarluartunillu nerisassiorsinnaapput.