Suliffissat
Royal Greenland nunatsinni Danmarkimilu suliffissanik ilinniarfissanillu nittarsaassisoqaraangat peqataasarpoq.
Nittarsaassisoqartillugu suleqatigut suliagut suliffippullugu pillugit oqaluttuartarput.
Suleqatitta ilaasa ilinniakkaminnik naammassereeramik nunatsinni suliffeqarfiit annersaanni atorfinissimanertik pillugu oqaluttuartut ataani atuarsinnaavatit.
Royal Greenlandimi ilinniarnermit naammassigaanni
Royal Greenlandimi ilinniareerlutit naammassiguit imaassinnaavoq suliffissaqartutit. Suliffeqarfitsinni 2015-imiit 2019-imut ilinniartut 56 %-ii ilinniareeramik atorfinitsinneqarput. Ilinniartut ilaat Royal Greenland pillugu paasisaqarfiginerujumallugu sungiusartuunissaminnik perarfissinneqarput. Sungiusartoqartarneq atorfimmik neqerooruteqarsinnaannginnermi ilinniartuusimasulli suliinnarnissaanik kissaateqarnermi ingerlanneqartarpoq.
Royal Greenlandimi atorfinissimaleruit suliffeqarfimmi atorfinni qaffakkiartorsinnaavutit. Suliffeqarfimmi aotrfinnit qaffakkiartuaarnissamik periarfissiisumik atorfinnut tunngasunut pikkorissarnissannut ingerlariaqqiffiusumillu ilinniaqqinnissannut periarfissinneqarputit. Aqutsisuuguit aqutsisutut pikkorissarlutilluunniit ilinniarnissannut periarfissaqassaatit.
Atorfimmit qaffakkiartuaarnerit tamarmik assigiinngillat, namminerlu anguniakkat angorusutallu apeqqutaapput. Royal Greenlandimi aqutsisutut sulisut nikerarnerat annikimmat sulisut ilaat atorfimminni qaffannissaminnut utaqqimaartariaqarput. Tamanna aqutsisutta Royal Greenlandimi sulisuunerminnik nuannarinninnerattut takussutaavoq. Usorsisimaarutigaarpullu.
Royal Greenlandimi atorfiit suunersut quppernerup uuma saamiata tungaani takukkit.
Suliffeqarfitsinni ilinniartuunikuunngikkaluarlutit atorfinissinnaavutit, taamaammat atorfinnut inuttassarsiuussisarnigut malinnaaffigikkit.
Inuppassuit nunani allani qaffasissumik ilinniagaqartarput, taakkulu nunatsinnut utertikkusuppagut. Taamaammat Danmarkimi suliffissanik nittarsaassisoqartillugu peqataagaangatta "nunaqqatigut utertinniarlugit pilerisaartarpagut", aamma atorfimmik ilinniartup ilinniagaanut tulluuttumik Royal Greenlandimi neqeroorutissaqanngikkaluaraangattaluunniit.
