Nunat avannarliit imartaanni aalisarneq
Aalisakkat qaleruallillu Atlantikup Avannaata Issittullu imartaaniittut aalussatsinnut tunngaviupput. Tunisassiorfigut nammineq aalisariutitsinniit najukkamilu aalisartuniit tunisassiassanik ullut tamaasa pilersorneqarput.
Royal Greenland nammineq kilisaataatigut atorlugit aamma aalisartorpassuit namminersortut suleqatigalugit nunat avannarliit imartaanni aalisartarpoq.
Sinerissap qanittuani aalisarneq
Royal Greenlandip nunatta kitaani, Quebecimi Newfoundlandimilu najukkami tunitsiviit tunisassiorfiillu 40-nit sinneqartut aalisarfimmiit tunisassiorfimmut ungasinngitsut ingerlappai. Aalisartut pisatik qaqerlaat tunisassiorfimmut toqqaannartumik tulaassinnaavaat, tunisassiassallu kingorna Royal Greenlandimit akisussaaffigineqalersarput.
Umiatsiaaqqat angallatitut aalisariutitullu nunatsinni atorneqartarput. Assaat atorlugit suliassat annikillisarniarlugit ileqqut teknologilu nutaanerpaaq kattunneqarlutillu aalisakkat qaffasinnerpaamik pitsaassusillit aalisarneqarput.
Aalisariaatsit sinerissap qanittuani aalisarnermi atorneqartartut tassaapput ningittakkat, qassutit bundgarnillu, tamarmik immap naqqanik annikitsumik sunniisarlutillu annikitsumik orsussamik atuiffiusut.
Avataani aalisarneq
Imaannarmi aalisarneq kilisaatinit avataasiutinit ingerlanneqartarpoq. Aalisakkat qaleruallilluunniit kilisaammut qaqinneqariarlutik akunnialuit ingerlanerini immikkoortiterneqarlutillu, tunisassiarineqarlutillu qeritinneqartaramik nutaajullutillu pitsaalluinnartuupput.
Kilisaatit sila qanoq ikkaluaraangalluunniit kilisattarput, ukiumoortumillu pilersaarusiorneq imaq ilimagisamiit sikujaarnerutillugu anorersuassappalluunniit allanngortinneqakkajuppoq. Silap qanoq innerata saniatigut aalisarnissamut pisassiissutit aalisagaqassuserlu sumi aalisarnissamut apeqqutaasarput. Ukiup qanoq ilinerani qaqugukkut sumilu pitsaanerpaanik aalisagaqarlunilu saattuaqarnersoq ukiorpassuarni misilittagaqarnerput tunngavigalugu ilisimavarput.
Kilisaammi tunisassiorfiutigisumi inuuneq
Aalisarfiit ungasissumiittut angusinnaajumallugit kilisaatit avataasiutit sapaatip-akunnerpassuini qerisuusiviup ulikkaarnissaata tungaanut avalaqqasarput. Kilisaat avalaqqatillugu aalisartoqaannavittarpoq, inuttallu eqimattat marluk paarlakaallutik ulloq unnuarlu sulisarput. Eqimattat ataatsit akunnerni arfineq-pingasuni nalinginnaasumik sulisarput.
Inuttat tamakkeqqagaangamik 25-iusartut tassaapput:
- Naalagaq: Umiarsuup naalagaa, angalaffissaq aalisarnissarlu pilersaarusiorlugillu kilisaatit aquttarpai
- Aquttoq: Naalagaq umiarsurmik aqutsisoq ikiorlugulu sumiissusersiortoq
- Mistali: Motoorimik innaallagiatortunillu tamanik ingerlatsisuullunilu aserfallatsaaliisoq
- Ikiortit marluk pingasulluunniit: Ingerlatsineq aserfallatsaaliinerlu
- Aqumiut arfineq-pingasut qulilluunniit: Kilisaat aquaniit passuttarpaat
- Tunisassiorfimmi ingerlatsisoq: Tunisassiorneq nakkutigalugulu pilersaarusiortarpaa
- Tunisassiorfimmi sulisut quliniit fjorteninut amerlatigisut: Tunisassiorneq ingerlattarpaat
- Igasoq: Nerisassiorneq suliassallu allat suliarisarpai
Inuttat piffissami sivisuumi suliffissatik nalunnginniassammatigit aalisarneq ukiut marlukkaarlugit pilersaarusiorneqartarpoq. Inuttat sapaatip-akunneri arfineq-pingasukkaarlugit avalaqqasarput, sapaatillu-akunnerini arfineq-pingasuni sulinngiffeqartarlutik.
