Qaqisa
Atuaqatigiillusi Royal Greenlandimiit pulaarneqarlusi nunatsinni suliffeqarfiit anginerpaartaat ilinniarfissallu pillugit oqaluttuarfigineqarumagussi saaffigisinnaavatsigut.
Tunisassiorfitta ilaat kilisaatillu, kiisalu qullersaqarfitta pulaarnissaanik pilersaarusiornissamut aamma periarfissaqarpoq.
Royal Greenlandip meeqqat atuarfiini 3.-, 6.-, aamma 8.klassini atuartut suliffeqqarfiup tunisassiorfiinut tunitsiviinullu pulaarnissaannut 2021-mi qaaqquai. Tamanna Qaqisa!-mut, atuartut amerlanerit meeqqat atuarfiat naammassigunikku ilinniaqqinnissaat pillugu suliniummut, atatillugu ingerlanneqassaaq.
Atuartut pulaartut
Royal Greenland nunatsinni 38-nik tunisassiorfeqarlunilu tunitsiveqarpoq. Illoqarfinni nunaqarfinnilu taakkunani meeqqat atuarfiini 3.-, 6.-, aamma 8.klassini atuartut ukiup 2021-ip ingerlanerani qaaqqusissummik nassinneqassapput.
Royal Greenlandimi suliassat suut suliarisarnerlugit suliffeqarfillu inuiaqatigiinnut qanoq sunniuteqartarnersoq oqaluttuariumavarput.
Meeqqat atuarfiini atuartut Royal Greenlandip tunisassiorfiinut qaaqqunissaat pillugit suliniut Qaqisap atuarfiit suliffeqarfiillu suleqatigiinnissaat pillugit suliniutaanut ilaavoq. Suliniut pillugu uani paasisaqarnerusinnaavutit; www.csr.gl.
Atuartut tunisassiorfimmi tunitsivimmiluunniit pulaarnerminni tunisassiorneq ilaatigut takullugulu paasisaqarfigissavaat. Sulisut naapissallugit periarfissaqarlutillu minnerunngitsumik nunatsinni nunanilu tamalaani suliffissat suunersut paasisaqarfigisinnaassavaat.
Atuartut Royal Greenland suliffeqarfimmilu periarfissat suunersut pillugit paasisaqarniassammata pulaartut klassit sorlerneerneri naapertorlugit soqutiginartunik sammisassaqartassaaq.
Royal Greenalndip Qaqisamut tunngatillugu suliniutaa pillugu paasisaqarnerorusukkuit Sulisoqarnermi Immikkoortortaq oqarasuaammut + 299 361300-imut sianerlutit imaluunniit hrgl@royalgreenland.com-imut allallutit saaffigissallugu tikilluaqqusaavutit.
