Aalisakkat qaleruallillu iggavimmi
Aalisakkat qaleruallillu proteininik akoqarluarlutillu aalisakkat orsuinit omega-3-mik, mineralinik vitamininillu assigiinngitsunik pissuseqatigiiaappassuit akoqarput.
Royal Greenland inuussutissanik assigiinngitsorpassuanngorlugit tunisassianik pisisartunut nunani tamalaaniittunut pilersuisuuvoq. Qalerallit avalerai sushilionermi atugassat, aalisakkat ilivitsut suppiliassat aamma nerisassat grillikkat kiisalu qaleruallit aalisakkallu seernartulikkat nerisassiariuminartut Kangiani nioqqutigineqarput. Raajat uusut qalipaajakkallu, aalisakkat pujuukkat siatassatullu qallikkat, seernartulikkat imaluunniit immikkat ooriaannaat Europami piumaneqarluarput.
Nutaanik kajumigisaqalertoqartuaannarpoq, Royal Greenlandillu nioqqutissaatai taakkununnga nalimmassarneqartuaannarput. Akuutissaqanngitsunik gluteneqanngitsunillu siatassanngorlugit qallikkat, inummut ataatsimut naammattunngortitat, pitsaassutsit qaffassakkat allatullu aggukkat nioqqutissaapput tamarmik atuisup ulluinnarni atugaanut tulluarsagaasut.
Igasugut nutaaliortut nioqqutissanik nutaanik ullutsinni atuisup pisariaqartitaanut tulluarsakkanik pilersitsiuarput. Royal Greenland nioqqutissanik nutaanik pisisartunut saqqummersitsikulaarlunilu pisisartut peqatigalugit inerisaanermik suliniutinut peqataasarpoq.
Aalisakkat qaleruallillu peqqinnissamut tunngatillugu
Aalisakkat qaleruallillu inuussutissanik peqqinnartunik nerisassanit allanit pineqarsinnaanngitsunik piffigissallugit naleqqulluinnarput.
Aalisakkat orsorasaartut orsumik peqqinnartumik omega-3-millu akoqarluarlutillu orsumik puallarnartumik peqqinnanngitsumillu akukitsuupput. Aalisakkat orsukikkaluit proteinimik annertuumik, mineralinik vitamininillu akoqarluarput.
