The North Atlantic Champion
Aalisakkanut,
pisisartunut
atuisunullu qaninnerpaavugut
Royal Greenland suliffeqarfittut tamakkiisumik ingerlataqarluartutut aalisakkanik qalerualinnillu imaannarmi pisanik qaffasissumillu pitsaassusilinnik Atlantikup Avannaata Issittullu imartaaneersunik nunani tamalaani atuisunut pilersuisuunissaminut piginnaasanik, ileqqunik, ilisimasanik misilittakkanillu tunngavissaqarluarpoq.
Royal Greenlandip nunani tamalaani pilersuisuunera Atlantikup Avannaani Issitumilu aalisarfissuarnit aallaaveqarpoq. Kilisaataatigut avataasiutit angisuut nunatta Canadallu kangimut imartaani kiisalu avannamut kangimut Barentsip imartaani aalisartarput.
Aalisartut pisatik nunatta kitaata sineriaani aamma Newfoundlandimi kiisalu Quebecimi Canadamiittumi tunitsivitsinnut tunisassiorfitsinnullu 40-nit amerlanerusunut tunisarpaat. Royal Greenland najukkamiinnermini aalisakkanik qalerualinnillu assigiinngitsorpassuarnik tigooqqaasinnaallunilu najukkami inuiaqatigiinnut suliffinnik tusindtilikkaanik pilersitsivoq.
Niuerfinni nunani tamalaaniittuni tuniniaaviit niuerfinnik inerisaallutillu, pisisartunik siunnersuillutillu nioqqutissanik Atlantikup Avannaata Sikuiuitsullu imartaaneersunik kiisalu niuerfinni piumaneqartunik aalajangersimasunik pilersuinermi pingaarutilittut inissisimapput. Niuerfinni tuniniaasut najukkami pitsaassusilerisunit kiisalu nittarsaassinermi tuniniaanermillu inerisaanermik piginnaasalinnik tapersersorneqaramik najukkami pisisartut atuisullu pisariaqartitaat pillugit ilisimasaqarluarput.
Niuernerup tungaatigut inissisimalluarnerpaanissaq nunarsuarmilu tamarmi niuerfinni tunisassiaatitsinnik siunissami tunisiffiulluarsinnaasuni peqataalluarnissaq anguniagaraarput.
Aalisakkanut, pisisartunut atuisunullu qaninnerpaajunissarput anguniagaraarput.
