Suleqateqarnerit
Royal Greenland suliniaqatigiiffinnik inuiaqatigiinni pitsaasumik ineriartortitseqataasunik suleqateqarnissamut isumaqatigiissusiortarpoq. Piujuartitsinissamut suliniut Naalagaaffiit Peqatigiit piujuartitsilluni ineriartortitsinissamut anguniagaannit nunarsuarmut tamarmut atuuttunit 17-init nr. 17-imik "Suleqatigiinnikkut anguniagaqarneq"-mik tunngaveqartumut naapertuuppoq.
Suleqatigut meeqqat piginnaatitaaffii, peqqinnartunik nerisaqarneq eqeersimaartumillu inooriaaseqarneq pillugit piginnaanngorsaanermik kiisalu aallarnisaanikkut nukappiaqqanut sammisaqartitsinermik aaqqissuussinernik kiisalu inuusuttut ilinniariarlutik nunanut allanut angalanissaannut tapiissuteqartarneq aqqutigalugu inuiaqatigiinni piginnaasanik qaffassaaqataapput.
Royal Greenlandip uku suleqatigiinnissamut isumaqatigiissusiorfigai:
Meeqqat pisinnaatitaaffii pillugit suliniaqatigiiffik MIO
Meeqqat pisinnaatitaaffii pillugit suliniaqatigiiffik MIO
Isumaqatigiissut 2020-mi novembarip 25-ani atsiorneqartoq sulisut akornanni meeqqat pisinnaatitaaffii pillugit ilisimasanik qaffassaanikkut meeqqat atugarissaarnissaannut siuarsaaqataassaaq. Royal Greenland 2020-miit 2024 ilanngullugu ukiumut 50.000 koruuninik tapiissuteqartassaaq.
Ivalu og Minik Fonden
Ivalu og Minik Fonden
Isumaqatigiissut siullermik 2012-imi atsiorneqartoq 2020-mi kingullermik nutarterneqarpoq. Aningaasaateqarfik kalaallinut qaffasinnerusumik ilinniagaqarnissaminnik kissaateqartunut nunaniluunniit allani ilinniaqqikkusuttunut aningaasaliinissamik siunertaqarpoq. Royal Greenland 2021-miit 2023 ilanngullugu ukiumut 100.000 koruuninik tapiisassaaq
Pinaveersaatitsineq pillugu suliniaqatigiiffik Paarisa
Pinaveersaatitsineq pillugu suliniaqatigiiffik Paarisa
Isumaqatigiissut 2020-mi januaarimi atsiorneqartoq meeqqanut inuusuttunullu nerisat, matumani aamma aalisakkat, pillugit siunnersuutit pillugit ilisimasanik siuarsaanissamik siunertaqarpoq. Royal Greenland tunisassiassanik tunissuteqartarlunilu nerisat pillugit siunnersuutinik siammarterissaaq.
Mind Your Own Business
Mind Your Own Business
Isumaqatigiissut 2020-mi aggustimi atsiorneqartoq nukappissat inuusuttut suliffeqarfeeqqamik pilersitsillutillu ingerlatsinissaannik periarfissiissaaq. Royal Greenlandimi sulisut pingasut nukappissat inuusuttut siunissami ilinniagaqarlutillu suliffeqarnissaannut kajumissaaralutillu isumassisitsisassapput.
Foodlab
Foodlab
Isumaqatigiissut 2020-mi oktobarimi atsiorneqartoq aallarnisaasut soqutiginnittullu igaffissuarmik atorsinnaanissaannik periarfissiinikkut inuussutissat najukkami tunisassiat siuarsarnissaannik siunertaqarpoq. Royal Greenland 25.000 koruuninik tapiissuteqarlunilu qeqqussanik tunisassiornerup inerisarneqarnissaanut suleqataassaaq.
