Saattuaq
Saattuaq avannaata imartaaneersoq mamarineqarluinnarpoq, avatangiisillu nillermata saattuaq sakkortuumik mamartumillu mamaqalersarpoq
Saattuaq (Chionoecetes opilio) Atlantikup Avannaata Sikuiuitsullu Avannaata imartaanit nillerluinnartumeersoq mamarineqarluartuuvoq. Nerpia qaqqorissuullunilu sungaartumik aappaluaartumik qaaqartoq nutaarsunnilluni, tunguarnilluni tarajornilaartumillu imarsunnilluni qaleruallit mamaanik seernarsunneqarpoq.
Saattuanik tunisassiat
Saattuat pussugutaasaat mamarunarsakkat, avatai tuiilu kiisalu avatai nerpittallit tuniniarneqartarput. Tunisassiat tamarmik ooriikkatut aassereerunillu nerineqariaannartut tuniniarneqartarput.
Suliffissuaqarfiit
Saattuanik tunisassiagut uani takukkitIgaffissuaqarfiit
Saattuanik tunisassiagut uani takukkitSe vores snekrabber herNiuertarfeqarfiit
Saattuanik tunisassiagut uani takukkitSaattuaq immami
Saattuaq, danskisut snekrabbemik taaneqartartoq, silap pissusia uumaffini naapertorlugu taaguuserneqarsimavoq: Atlantikup Avannaani Manerassuullu avannarpasissuani sumiiffiit issinnerpaat nalaanni immap nillissusaata 4°C-init nillernerujuaannarfiani uumasuuvoq. Saattuaq mikisumik timeqarlunilu takisuunik amitsunillu nioqarlunilu sungaartumik aappaluaartumik, kajortumik qaamasumik aappalungajattumilluunniit qaleruaqartarpoq. Saattuaq ukiut arfinillit missaanni uumasarlunilu kangerlunni sinerissap qanittuaniittuni immap naqqani maralluusumi sioralimmiluunniit uumasuuvoq. Saattuat kangerlunni nerisassaqarluarput, pingaarnertut qalerualinnik allanik, uillunik uumasunillu nagguaqanngitsunik nerisaqarput. Saattuaq immap itissusaani meterinik 20-niit 1.200-nut ititigisumi uumasinnaavoq, amerlanertigulli itissusermi meterit 70-iniit 280-t nalaanni nalinginnaasumik uumasuuvoq.
Saattuaq angutiviaq arnavissamiit nalinginnaasumik marloriaammik anginerusartoq qaleruaatigut uuttortaraanni 15 cm-iterit missaanni angissuseqartarpoq, arnaviarlu nalinginnaasumik 8-9 cm-inik angissuseqartarpoq. Arnavissat angutivissallu immikkut uumasarput, aatsaallu suffisoqarnerata nalaani manniit kinguaassaqalersinneqaraangata ataatsimoortarput. Manniit suffereernerisa kingorna tukinnginnerini arnaviap ukioq ilivitsoq missiliorlugu najummisarpai.
Saattuat nunatta kitaata imartaani Canadallu imartaaniittut peqqissutut isigineqarlutillu nungusaataanngitsumik aalisarneqartarput.
Aalisarneq
Saattuat nunatta kitaata imartaani sikoqanngitsillugu pisassiissuteqartoqarsimatilluguluunniit najukkani aalisartunit aalisarneqartarput, tamannalu nalinginnaasumik marsimiit decembari ilanngullugu ingerlanneqartarpoq. Saattuat pisarneq malillugu pullatit atorlugit pisarineqartarput. Pullatit immap naqqanut annikitsuinnarmik sunniuteqartarlunilu saniatigut pisaqarnissamut aarlerinartoqanngilaq. Pullatit ilupaquteqarlutillu amikunik aalisakkanilluunniit neqitaleriarlugit immap naqqanut singinneqartarunik akunnerni pingasuni sisamaniluunniit saattuat pulatinniarlugit uninngatinneqartarput. Pullatit saattuat pulatissinnaallugit anillatseqqissinnaajunnaarlugilli ilusilersugaammata saattuat uumatillugit pisarineqartarput.
Pisarnertut aalisariaatsit
Pisarnertut aalisariaatsit
Royal Greenlandip pisarnertut nutaaliatullu aalisariaatsit atorlugit tunisassiassat aallussinitsinnut tunngaviusut pisarisarpai. Pullatinik aalisarneq avatangiisinut saattuanullu eriaginnittumik aalisariaasiuvoq avannaata imartaani aalisartunit kinguaariippassuarnit periusigineqartoq.
Pullatit umiatsiamut qaqinneqaraangata saattuat qaleruaasa angissusaat naapertorlugit immikkoortiterneqartarput. Arnavissat angutivissallu mikinerit nioqqutissanngorlugit pisarineqarneq ajoramik piaqqiortussangorlugit immamut utertinneqartarput, taamaammat aalisartut saattuat arnavissat angutivissallu 10 cm-inik minnerusunik qaleruallit immamut uterteqqittarpaat. Saattuat pisarineqartut sinneri nalinginnaasumik nillissusissaanniitillugit nutaarsunnitsikkumallugit karsini sikulinni uninngatinneqartarput.
Tunisassiorneq
Royal Greenland nunatta kitaata sineriaani Newfoundlandimilu tunisassiorfinnik ingerlatsivoq, saattuallu uumatillugit taakkununnga tunineqariarlutik angissusaat pitsaassusaallu naapertorlugit immikkoortiterneqartarput. Saattuat tunineqarnerminni toqungasut peerneqartarput.
Saattuat assaat atorlugit naakkittartumik toqunneqartarput, tassami niaqui ataasiarluni sakkortuumik anaallugit tuiinit niuiniillu avissaartinnerisigut saattuat erngerlutilk toqusarput.
Tuii sisamanik atasunik niullit avataanik taaneqartarput. Avatai tunisassiorfimmut ingerlateqqinneqarunik qeqqisa 85°C-inik kissassuseqalernissaasa tungaanut imermi nutaami uunneqartarput.
Saattuat avatai imermi tarajoqanngitsumi uunneqannginnerini angissusaat pitsaassusaallu naapertorlugit immikkoortiteqqissaarnqartarput.
Avatai uunneqarniariarlutik nillorserneqarlutillu, imermik qallerlugit illersuuserlugillu qerinasuartinneqartarput. Saattuat avatai poortorneqannginnerminni pitsaanerpaatikkumallugit pitsaassutsimut nalileeriaatsit tallimat naapertorlugit nalilersorneqartarput.
Assartorneqariaannaat
Assartorneqariaannaat
Saattuat karsinut 5 kilonik imaqarsinnaasunut nunatsinni poortorneqartarput, kingornalu pisisartunut nassiussorneqarlutilluunniit Kinami tunisassiareqqitassanngorlugit nassiussuunneqartarput.
Tunisassiat ilaat Kinami tunisassiareqqitassanngorlugit nassiunneqartarput. Tassani pussugutaasaat peerneqarlutillu avatai niuilu nerpittallit peerneqariarlutik poortoriarlugit pisisartunut nassiussuunneqartarput.
Niuerfinnut aqqut
Saattuat tunisassiorfinniit nunatsinniittuniit, Canadamiittuniit Kinamiittuniillu nunani tamalaani pisisartunut toqqaannartumik assartorneqartarput.
Saattuat niuisa nerpii mamarluinnartuuneri pissutigalugit Japanimi sushiliornermut atorneqartarput, USA-milu avatai niutallit pussugutaasaalu avalaajat ilioqqarfiini tigoriaannanngorlugit sassaalliutigineqartaramik mamarineqarluinnarput.
Saattuat Spaniami juullikkunni pisarnertut nerineqartarput, juullikkunnilu ilaquttat ikinngutillu nereqatiginissaannut pisiarineqakkajupput.
Saattuat iggavimmi
Saattuat nutaarsunnillutillu, tunguarnillutillu tarajornitsuugamik mamarineqarluarput. Nerpii ingutsilasuullutillu isseqarluartut aqitsunnguugamik knækbrødimut citronip isseranik akulaarlugit sassaalliutigissallugit tulluarput, imaluunniitt kissartunik sassaalliinermi tarajorsunnilaartumik mamaqalersitsinissamut akussaalluarput.
Saattuat qaleruaaniit qaluinnarlugit nerillugit usserneqartariaqarput. Nammineerlutit nerpiiaarusunngikkut saattuat avatai nereriaannaat pisiarisinnaavatit.
Niui pussugutaasaalu annermik nerpeqarput tuiilu annikitsumik nerpeqarlutittaaq. Nerpiisa tunguarninnerat seernartumut orsuarnitsumulluunniit, assersuutigalugu iipilimut avocadomulluunniit akorissallugu tulluartuuvoq.
Nerisassiornermut najoqqutassaq!
