You have an outdated browser

Please update your browser

Update browser
Paasisaqarnerugit Periusissaq sinaakkutillu

Piujuartitsineq - soorunami

Anguniagarput

Atlantikup avannaani pisuussutit immameersut nalingi inuiaqatigiit akuuffigisagut piginnittugullu sinnerlugit piujuartitsineq tunngavigalugu annertunerulersippagut

Piujuartitsineq najoqqutaralugu suliffeqarfimmik ingerlatsineq 2012-imi aaqqissuussamik suliniutigisarput Royal Greenlandip kinaassusaanut ilaalluinnarpoq.

Uumassusillit immamiittut isumannaarneqassapput – siunissaq pillugu 

Nungusaataanngitsumik aalisarneq pisuussutinillu tamakkiisumik atuineq siunertaralugit suliffeqarfimmik ingerlatsinissarput kissaatigaarput. Attuumassuteqartut tamarmik peqqillutik, aalisarpallaarneq immamillu mingutsitsineq ernumaginagit inuulluataarnissaat tunngavigalugu inuussutissarsiortoqarsinnaaneranik tamanna periarfissiivoq.

Pisuussutit aalisartakkatta atorluarneqartarnissaat taamaalillutillu inuiaqatigiinnut najugaqartunut, nunani tamalaaniittunut kiisalu Royal Greenlandimut naleqarnerulersitsinissaat pillugu akisussaaffeqarpugut. Taamaalilluta soorunami piujuartitsilluta ingerlatsivugut.

Corporate Sustainability Manager Lisbeth Due Schönemann-Paulip piujuartitsineq siunertaralugu suliniutigut oqaluttuarigai tusarnaaruk.

Time:

Aalisarneq akuersissuteqanngikkaluarluni piujuartitsineq tunngavigalugu ingerlanneqarsinnaagaluartoq aalisarnerit arlaqartut suliffeqarfimmut attuumassuteqanngitsunit pingajuusunit akuersissuteqarnikkut ingerlanneqarput. Niuerfiit assigiinngitsut piumasaqartarmata imaluunniit pitsaanerusumik ingerlatsineq pisariaqartinneqartarmat akuersissuteqarnerup malitsigisaanik pissuseqatigiiaanik aalajangersimasunik aalisartut tunisassiortullu aalisarnertik akuersissuteqarlutik ingerlatissallugu toqqarumanerusarpaat.

Tunisassiassat Royal Greenlandimi tunisassiorfinni tunisassiarineqartussat affai sinnerlugit MSC, akuersissut pisiortorfinnit piumaneqarluartoq,  aqqutigalugu pingajuusumit akuerineqarput. 

Suleqatigut naleqarlutillu naleqalersitseqataapput 

Suliffeqarfik pitsaasumik atugassaqartitsinissamik annertuumik ukkassisoq suliffitsialaasorlu soqutiginartoq kissaatigaarput.

Sulisut tamarmik suliffeqarfimminni pitsaasumik atugaqarniassammata suliffimmi, tunisassiorfitsinni allaffitsinnilu avatangiisit ukkataraagut. Nunani tamalaani malittarisat akuerisaasut naapertorlugit suliffimmi avatangiisit aaqqissuussaaneri nukittorsarumallugit anguniagaqarpugut.

Suliffimmi avatangiisinilu malitassat akuerisaasut naapertorlugit ajutooratarsinnaanerlu pillugu naliliinerit pissuserissaarnermik tunngaveqartut najoqqutaralugit ingerlatseriaaserput pitsanngorsarumavarput.

Royal Greenland inuusuttunut siunissami suliffissatut soqutiginartutut inissisimarusuppoq. Nunatsinni inuiaqatigiinnut tunniussagut tassaassapput ilinniagaqarneq sulisunillu pisinnaanngorsaaneq kiisalu inuttut pisinnaasanik ineriartortitsineq. Inuk nammineq ineriartornissaanut tapersersorlugu ilitsersuisulerlugulu ukkatarisaratsigu sulisunit nuannaarutigineqartarpoq.

Iliuusissatut pilersaarut

Aalisakkanik inuussutissatut nioqqutissiornissaq immap pisuussutaanik ataqqinnittumik aalisakkallu pissuseqatigiiaat atugassarititaat pillugit ilisimasanik toqqammavilimmik ingerlanneqartariaqarami piujuartitsineq siunertaralugu ingerlanneqartariaqarpoq. Naleqalersitsiartorneq tamaat isigalugu ukkatarinnittumik periuseqarnikkut nioqqutissanik nutaanik pilersitsillutalu taamatuttaaq avatangiisinut sunniinerlunnerup annikillisarnissaa kissaatigaarput.

Naalagaaffiit Peqatigiit piujuartitsineq siunertaralugu ineriartortitsineq pillugu anguniagaat nunarsuarmut tamarmut atuuttut aamma suliffeqarfitsinni iliuusissatut pilersaaruterput North Atlantic Champion version 3.0 najoqqutaralugit piujuartitsineq pillugu suliniutitsinnut tunngaviliinissaq siunertaavoq.

Piujuartitsineq pillugu suliniutitsinni 2022-mut anguniagaqarlutalu 2030-mi angusaqarluarusukkatta anguniakkagut suliaqarfigisatsinni Royal Greenlandip niuerneranut inuiaqatigiinnullu annertuumik sunniuteqassasut naatsorsuutigaarput.  

Aamma takukkit

Paasisaqarnerugit Ingerlatsineq suleriuserlu
...