Peqqinnartumik sulineq
Peqqinnartumik sulinermut tunngatillugu anguniakkagut angorusutagullu Naalagaaffiit Peqatigiit anguniagaat nunarsuarmut tamarmut atuuttut #8-nniit tunngaveqarput
-
Sulisut najukkamiit nunaminniilluunniit allamut nuutineqaraangata isumagisassat assigiinngitsut naammassineqarsimasassapput.
-
Ukiumoortumik naatsorsuusiortarnermut inatsimmi §99b naapertorlugu suliffeqarfimmi Royal Greenlanditut angitigisumi aqutsisoqatigiinni qaffasinnerusumik atorfilinni aqutsisunilu allani suiaassutsip ikinnerussuteqartup amerlassusissaanut anguniagassiisoqarlunilu anguniakkap qaqugu anguneqarnissaanut naatsorsuutigisat nassuiaatigineqassapput.
-
Royal Greenlandimi sulisut tamarmik tulluusimaarlutik sulisarniassammata suliffimmi avatangiisinik isumannaatsunik peqqinnartunillu pilersitseqataajumavugut.
-
Pisiortorfigisartakkatta sulisutik atugarissaartikkumallugit piumasaqaatit qaffasissut eqquutissagaat qulakkiissallugu akisussaaffeqarpugut.
-
Royal Greenland nunani tamalaani soqutigisaqarfinnilu assigiinngitsorpassuarni niuertarpoq. Taamaammat sulisut attuumassuteqartut atorfimminnut atatillugu nalorninartunik paasisimasaqarnissaat pingaaruteqarpoq.