Raajat Issittup imartaaneersut
Raajat Atlantikup Avannaani issittup imartaaneersut nerisassiarineqannginnerminni nerisassiarineqareernerminnilu aappaluttumik qaquaartumik ersarissumik qalipaateqarnertik ilisarnaatigaat.
Raajat Atlantikup avannaani issittup imartaaneersut (Pandalus borealis) tunguarnitsumik mamartumillu nerpeqarnertik nunarsuarmi tamarmi ilisarisimaneqaatigaat.
Raajanik issittup imartaaneersunik tunisassiat
Raajat issittup imartaaneersut pisisartut pisariaqartitaat naapertorlugit assigiinngitsunik tunisassiarineqartarput. Raajat qerinasuartinneqannginnerminni qalipaqartillugit uunneqarlutilluunniit ooriarlugit qalipaajarneqartarput. Raajat uusut qalipaajakkallu seernartulikkatut imaluunniit ulluinnarni nereriaannakkatut silaannarmi minguiakkami poortukkatut aamma tuniniarneqartarput.
Suliffissuaqarfinnut
Raajat issittup imartaaneersut uani takukkitIgaffissuaqarfinnut
Raajat issittup imartaaneersut uani takukkitNiuertarfeqarfinnut
Raajat issittup imartaaneersut uani takukkit
Toqqagassaatitta ilaat
Raaja Issittup imartaani
Raaja Issittup imartaaneersoq Atlantikup Sikuiuitsullu Avannaani, Canadamiit Norgemut, uumasuuvoq. Raaja avatangiisit nillernerat pissutigalugu arriitumik alliartortarpoq, taamaalillunilu mamaa issorsimassusaalu immikkuullarissoq ineriartortarpoq.
Raaja akimut ersingajalluni aappaluttumik qalipaatilimmik qaleruaqarlunilu niaqqumi qulaani aappaluttunik maluginiuteqarpoq. Isai ammallorissut qernertullu eqqaani niaquata qulaani killavaartunik nassuusaqarpoq. Raajap niaqua ilaannikkut taarnerusumik qalipaateqarsinnaasarpoq. Raajap qalipaataa nerisaanit sunnerneqarsinnaavoq, imaluunniit manniisa tukernissaannut iluaqutaasinnaavoq. Niaquata qalipaataa taarneq mamaanut pitsaassusaanulluunniit sunniuteqarneq ajorpoq.
Raajat immap naqqani aqitsumi marrarasaartumilu 20-niit 1.400 meterisut ititigisumiittuni uumasuupput. Immap nillissusaa 0-imiit 8°C-it missaanniittoq uumaffigiumanerullugulu uumasuaqqat immap ikeraniittut, illeqqat qullukkallu isaannarmik takuneqarsinnaanngitsut nerisarai.
Raaja Issittup imartaaneersoq angutiviaallunilu arnaviaasoq angutiviaaqqaariarluni ukiut pingasut sisamalluunniit uumareeraangami arnavianngortarpoq. Manniliorneq upernaakkut aallartikkaangat mannii kinguaassaqalersinneqartarput, manniillu tukernissaasa tungaanut angutivissap niuminiitittarpai. Manniit tukerniariartut raajap inerissimasup qaleruani katariarlugu nutaamik anginerusumik qaleruaqalersarpoq. Raaja manniliornissami tullissaanut inissaqarniassagamianginerusumik qaleruaqalerniarluni imermik annertuumik katersisarpoq.
Qaleruallit aalisakkallu amerlanerit immami nillertumi sumiissusersiorsinnaanngillat. Raaja Issittup imartaaneersoq, mikisumik qituttumillu malugisaataanik aalatitsisartumik sisseqarami sumiissusersiorsinnaavoq.
Raaja Issittup imartaaneersoq ukiut qulingiluat tikillugit uumasinnaavoq. Raaja kiattup imartaaneersumut, arfinilinnik qaammateqaleraangami inerittartumut, sanilliukkaani ukiunik arfinilinnik utoqqaassuseqalereersoq 8-10 cm-inillu angissuseqalereersoq aatsaat pisarineqakkajuppoq.
Raajarniarneq
Raajat Issittup imartaaneersut ukioq naallugu pisarineqarsinnaapput, aalisarnerli ingammik Qeqertarsuup Tunua sikugaangat Ilulissani sikuneranit killilersorneqartarpoq. Raajat sinerissap qanittuani avataanilu pisarineqartarput.
Sinerissap qanittuani raajarniarneq
Raajat Issittup imartaaneersut sinerissap qanittuani najukkami aalisartunit mikinerumaanik aalisariutilinnit pisarineqartarput. Aalisartut immap naqqani raajaqarfiit anguniarlugit sinerissamut qanittuaqqami itisuumili raajarniartarput. Raajat kilisanneqariarlutik aalisariummut qaqinneqartarput. Raajat kingorna sivisunerpaamik ulluni sisamani imaluunniit aalisartup uninngasuusiviata ulikkaarnissaata tungaanut sikulerlugit uninngatinneqartarput. Pisat Royal Greenlandip tunisassiorfiisa ilaannut tunineqartarput, raajallu angissusaat isikkuilu tunisassiunnginnermi nalilersorneqartarput.
Nunatsinni sinerissap qanittuani raajartat tamarmik tunisassiorfinni nunamiittuni uunneqarlutillu qalipaajarneqartarput.
Avataani raajarniarneq
Avataani raajarniarneq kilisallunittaaq, kisiannili aaliusariutinik kilisaatinillu annerungaatsiartunik ingerlanneqartarpoq. Royal Greenlandip kilisaataatai avataasiutit marluk Akamalik Kaassassullu raajarniutaapput. M/tr Avataq qaleralinniutaallunilu raajarniutaasinnaavoq. Kilisassutit immap naqqanut meterinik untritillinik arlalinnik ititigisumiittumut kivisinneqartarput, raajallu qassutinik pisarineqarunik tunisassiarisussanngorlugit kilisaammut qaqinneqartarput.
Royal Greenlandip kilisassutai immikkoortiterutinik innisaasaqarlutillu qimaaffissiaqarmata aalisakkat annerit qassutini ilanngussaasimasut immamut uterteqqinneqarsinnaapput. Royal Greenlandittaaq kilisariaatsit immap naqqanik sunniinnginnerusut aaliusariutsillu orsussamik atuineranik minnerulersitsisut pillugit ilisimatusarneq ineriartortitsinerlu tapersersorpaa.
Nunatsinni aalisarneqartut minnerpaamik 25 %-iisa nunani tunisassiarisussanngorlugit tulaanneqartarnissaat piumasaqaataavoq. Kilisaataatita raajartatik tunisassiorfinnut Ilulissaniittumut Sisimiuniittumulluunniit tulaattarpaat, taakkunanilu pisat minnerpaamik %-ii uullugit qalipaajarlugillu tunisassiarineqartarput.
Nunatta kitaani, Canadami Norgemilu aalisarneq Marine Stewardship Councilimit nungusaataanngitsutut akuersissuteqartoq aqulluarneqartutut nalilerneqarlunilu pisamik pinngitsoorani nalunaarsuisarneq atorlugu nakkutigineqarpoq.
Tunisassiorneq
Raajat pisarineqartut amerlanersaat pisisartunut nassiunneqannginnerminni kilisaammi tunisassiarineqartarput. Avataani kilisaatit Akamalik, Avataq Nataarnarlu raajanik qaqitsiniariarlutik tunisassiortarput. Raajat immamiit qaqinneqarnerminniit akunnerit ikitsuinnaat ingerlanerini immikkoortiterneqarlutillu, uunneqarlutillu qerinasuartinneqartarput.
Nunatsinni raajartassiissutit minnerpaamik 25 %-ii Royal Greenlandip nunatsinni tunisassiorfiini nunamiittuni tunisassiarineqartussanngorlugit tulaanneqartarput.
Sinerissap qanittuani avataanilu raajartat tunisassiorfinnut nunamiittunut tulaanneqartarput. Tassani raajat Issittup imartaaneersut tunisassiorfimmut ingerlateqqinneqartinnagit pitsaassusaat nalilerneqarlutillu angissusaat naapertorlugit immikkoortiterneqartarput. Raajat kingorna qerinasuartinneqartinnagit uunneqarlutillu qalipaajarneqartarput. Raajat tunisassiorfinni tunisassiat pisisartunut toqqaannartumik nassiunneqarlutilluunniit allatut tunisassiareqqitassanngorlugit poortoqqitassanngorlugilluunniit tunisassiorfinnut allanut nassiunneqartarput.
Raajartatta ilaat tunisassiorfitsinni Tysklandimiittumi allaanerusumik poortorlugillu seernartulerlugit tunisassiarineqartarput. Raajat Issittup imartaaneersut pisarineqartut ilamerngi nioqqutissanut piareeriikkanut akussatut Polenimut nassiunneqartarput.
Cuxhavenimi Tysklandimiittumi tunisassiorfitsinni raajat poortoqqinneqartarput.
Niuerfinnut aqqutaa
Raajat Issittup imartaaneersut tunisassiarineqareeraangamik pisisartunut nassiussuunneqartarput. Raajat Issittup imartaaneersut nunani tamalaani mamarineqarluarput, tunisassiarli piariigaq sorleq sumi piumaneqarnerunersoq assigiinneq ajorpoq. Tuluit Nunaanni atuisut raajat uusut qalipaajakkallu mamarilluaraat Sverigemiittut qalipallit piumaneruaat. Raajat Issittup imartaaneersut Japanimi mamartuliatut isigineqaramik "Ama ebi"-mik, raajanik tunguarnitsunik, taaneqartarput.
Raajat Issittup imartaaneersut pillugit pisassiissutit apparneqarsimammata piumaneqarluartuarmatalu akii ukiuni kingullerni qaffakkiartorput.
Raajat Issittup imartaaneersut iggavimmi
Raajat Issittup imartaaneersut nunani tamalaani nerineqartarlutillu mamarluinnartuugamik ilaqutariinnit tamanit nerineqarnissaminnut naleqqupput. Raajat proteineqarluarlutillu seleneqartut kaloriakillutillu vitamininik mineralinillu, ilaatigut B12-vitaminimik, zinkimik jodimillu akoqarluarput.
Raajat nakernartumik aappaluartumik nerpeqarlutillu isseqarluartuugamik imarsunnilaarlutillu tunguarnilaartut qaleruallit allat assigalugit aamma sungarnilaartuupput. Raajat Issittup imartaaneersut qaleruaqartiinnarlugit sassaalliutigineqaraangamik sikalluarlutillu mamarluinnartarput. Raajat tamatigoortuugamik nillertillugit uullugilluunniit nerisassiarineqarsinnaapput, uuppallaaqqunagillu, taamatuttaarlu mamaaruteqqunagit isseqarluartikkumallugillu nerisassiornermi kingulliullugit akuliunneqassapput. Raajat Issittup imartaaneersut nerisassiornermi pingaarnertut akorissalugit imaluunniit mamaa alutornartoq allanngortinnginniarlugu taamaatiinnarlugit nerissallugit naleqqupput.
Nerisassiornissamut najoqqutassiaq!
