Piujuartitsineq - Soorunami
Akisussaaffipput, pingaartitagut anguniakkanillu angusinerput
Nunani aallussiffigisatsinni inuiaqatigiinni isumaginninnermilu tunngavissat qulakkeerumallugit suliffeqarfipput nungusaataanngitsumik aalisarnermik pisuussutilllu pissarsiarisinnaasatta tamakkiisumik atorluarnerinik tunngaveqartikkumavarput.
Niuernermi periuseq akisussaaffillu
Niuernermi periuseq Royal Greenlandimit malinneqartoq nungusaataanngitsumik aalisarnikkut taamatuttaarlu aalisakkanik qalerualinnillu tukertitaanngitsunik pisiortornikkut, tunisassianik qaffasissumik pitsaassusilinnik tunisassiornikkut aamma najukkami nunanilu tamalaani pisisartunut tuniniaanikkut naleqalersitsinermik tunngaveqarpoq. Tunisassiatta piginnittutsinnut najukkamilu inuiaqatigiinnut aallussaqarfigisatsinnut iluaqutaasumik naleqalersinnissaat anguniagaraarput.
Royal Greenland inuiaqatigiinni nunatsinniittuni sulisitsisut annersaraat, kitaatalu sineriaani 37-nik tunitsiveqarpoq. Taamaammat inuppassuit pisuussutit immameersut siunissami aqulluarneqarnissaat pinngitsoorsinnaanngilaat.
Piujuartitsinermik tunngaveqarnissatsinnik kiisalu illoqarfippassuarni nunaqarfippassuarnilu siunissami suliffissat qulakkeerniarlugit ilinniartitsillutalu ilisimasatsinnik sulisutsinnut ingerlatitseqqiinissatsinnik annertuumik akisussaaffeqarpugut. Taamatuttaaq nunatsinni, Canadami Tysklandimilu tunisassiorfitsinni tamani suliffiit annertuumik ilorrisimaarfiusumik timikkut tarnikkullu pitsaasumik avatangiiseqartinnissaat qulakkeerniarlugu isumaginninnissamik pissuserissaarnissamillu akisussaaffeqarpugut.
Periusissatut pilersaarusiornitsinni pingaartitagut – FN-ip anguniagai nunarsuarmut tamarmut atuuttut
Royal Greenland piujuartitsineq pillugu periusissamik siammasissumik aallaaveqartumik, periusissatut pilersaarutitsinnik tunngaveqartumik FN-illu nunarsuaq tamakkerlugu piujuartitsinissaq tunngavigalugu ineriartortitsinissamik anguniagaanik 17-iusunik, 2022-mut aalajangersimasunik anguniagaqarfiusunik 2030-mullu angorusutanik suliniuteqarfissatut 2018-imi aalajangersarneqartunik, pilersitsivoq.
FN-ip anguniagaanut nunarsuarmut tamarmut atuuttunut qulequttanullu assigiinngitsunut tunngasut pillugit 2022-mi anguniakkanik angusaqarneq tamakkiisoq pillugu 2023-mi nalunaarusiorpugut, matumani naatsumik misissuataarneqarsinnaasoq takuuk.
Nungusaataanngitsumik aalisarneq takuniarlugu una tooruk.
Akisussaassuseqartumik sunniuteqarneq takuniarlugu una tooruk.
Peqqinnartumik sulineq takuniarlugu una tooruk.
Nunatsinni ilinniartitsineq takuniarlugu una tooruk.
Anguniakkanik nunarsuarmut tamarmut atuuttunik misissuineq anguniakkanillu angusaqarneq pillugu naliliineq
Suliniuteqarfiit, 2022-mmi aallussat, anguniakkanik angusaqarneq ukiunilu tulliuttuni naatsorsuutigisat tamaasa misissorumagukkit una tooruk.
Senior Sustainability Advisor Lisbeth Due Schönemann-Paulip piujuartitsineq siunertaralugu suliniutigut oqaluttuarigai tusarnaaruk.
Time:
