Nungusaataanngitsumik aalisarneq
Nungusaataanngitsumik aalisarneq pillugu anguniakkagut angorusutagullu Naalagaaffiit Peqatigiit anguniagaannit nunarsuarmut tamarmut atuuttunit #14-imit aallaaveqarput.
-
Aalisarnerput ilisimatuussutsikkut siunnersuineq naapertorlugu aqunneqarlunilu pingajuusumit attuumassuteqanngitsumit akuerisaassaaq. Pingaartitat assingusut naapertorlugit aalisakkanik qalerualinnillu pisiortorlutalu nungaasaanngitsumik aalisarneq, immami avatangiisit pissuseqatigiiaallu nutaat pillugit ilisimasanik pilersueqataassaagut.
-
Nunatta imartaani aalisarnerup MSC-mi piumasaqaatit naapertorlugit ingerlanneqarnerata atuutilernera aalisakkerinermut ingerlatsieqatigiiffiit, najukkani aalisarnermut peqatigiiffiit, Pinngortitaleriffik oqartussallu qanimut suleqatigiinnerinik tunngaveqarpoq. Suleqatigiinnermi matumani Royal Greenland ilaavoq, ilaatigut Sustainable Fisheries Greenlandimi ilaasortatut.
-
Suliffeqarfittut nunarsuarmi inunnut amerligaluttuinnartunut inuussutissanik pilersueqataassagutta pisuussutit immameersut siunissami atorluarnerussavagut.