Kaarit aalisagaasiviit - karsillu atoqqinneqarsinnaanissaminnut ilippannarluarput
Kaarit karsillu aalisagaasiviit tunisassiornermi aalisariutinilu pisanik uninngatitsinermi atorneqartartut plastikkimik akoqangaatsiarput; plastikkimillu atoqqitamik sananeqarsinnaalluarput.
Kaarit aalisagaasiviit – taarsiineq atoqqiinerlu
Kaarit aalisagaasiviit atortakkagut ullutsinni polyetylenimik (PE) sanaajullutillu polyuretanimik (PUR) kiffiutitut sunniuteqarluartartumik akunneqarput. Atortut taakku atoqqinneqarnissaminnut tulluannginnamik aserorterlugit atoqqittussanngortinneqarsinnaanngillat. Taamaammat Royal Greenlandip kaarit pigineqareersut atorunnaariartuaartillugillu plastikkimik monomaterialemik, tassa assigiimmik sananeqaatilimmik, sanaanik taarsersorniarlugit aallartippoq. Maannamiit qaava akunneralu tamarmik PE-mik sanaajussapput, issersuarmut kissartumullu naammattumik kiffiaasinnaassallutik.
Kaarit PE/PUR-inik sanaajusut pigineqareersut atorunnaarsikkiartuaarnissaat sivisussammat ilutigalugu atoqqinneqarsinnaanissaat pillugu suliniuteqartoqassaaq. Maanna kaarit atoqqinneqarsinnaaniassammata suliffeqarfik Polenimiittoq kaarinik aaqqissuussisartoq suleqatigineqarpoq. Kaarit ikitsoriaannaq atoqqinneqarsinnaagamik kingorna ikuallattussanngortinneqartarput. Kaarit PE/PE -mik sanaat nutaat aaqqissorneqarsinnaallutillu kingorna atoqqittussanngorlugit aserorterneqarsinnaassapput.
Karsit aalisagaasiviit - atoqqiineq
Karsit aalisagaasiviit ullutsinni assigimmik sananeqaatilittut sananeqararput, tassa HDPE, plastikki mattullunilu ninngusooq. Taamaammat atoqqinneqarsinnaapput. Royal Greenland karsinik aalisagaasivinnik atorunnaartunik tigusiumasumik Tysklandimiittumik pilersuinissamut isumaqatigiissusiorsimavoq. Plastikkip atoqqitap aseqqukup piumaneqarnera qaffakkiartormat maanna naleqarluarpoq, niuerfinnilu akigititaq naammaginarmat karsit atorunnaartut pinngortitamut qimmaannarneqarnissaat pinngitsoortinniarlugu katersoriarlugit nassiunnissaannut aningaasartuutit ilaat taamaalillugit matussuserneqarsinnaapput.
