Pisiortorfiusartunik nakkutilliinermut suleriaaseq
Ileqqorissaarneq pillugu pisiortorfiusartunik nakkutilliinermut suleriaaseq inuttut sulisutullu piginnaatitaaffiiit nunani tamalaani atuuttut pisiortorfiusartunit malinneqarnissaannik , avatangiisimik illersuinissamut suliniuteqarissamik, pilersuinerminilu peqquserlulluni iluanaarniarneq akiorniarlugu periusinik atuutsitsilernissamut qulakkeerinninnissamut atorneqassaaq.
Ileqqorissaarnermi nalorninartut pillugit naliliineq
Pisiortorfiusartut nunanit tamalaaneersut pillugit nalorninartunik naliliisoqartillugu nalileeriaatsit kikkunniit tamaniit atorneqarsinnaallutillu nunani tamalaani akuerisaasut pingasut Royal Greenlandimi najoqqutarisarpagut:
- Avatangiisimik illersuineq pillugu naliliineq (EPI)
- Inuttut ineriartorneq pillugu naliliineq (HDI)
- Peqquserlulluni iluanaarniarnerup qaffasissusaa pillugu naliliineq (CPI)
Nalorninartut pillugit naliliineq ukiut affakkaarlugit ingerlanneqartarami nalilersuinissamut pisiortorfiusartunillu nakkutilliinermi pisiortorfiusartunik akuersinermut aallaaviusarpoq.
Ileqqorissaarneq pillugu pisiortorfiusartunik nakkutilliinermut suleriaaseq – periusit pingasut
Royal Greenlandimi pisiortorfiusartoq nunami suminngaanneernersoq apeqqutaatillugu nunani tamalaani naleqalersitsinermi pisiortorfigisartakkagut nalorninartut pillugit nalilersortarpagut.
Tamatuma kingorna Royal Greenlandimut pisiortorfiusartut tamarmik inuit sulisullu tunngaviusumik pisinnaatitaaffii eqquutsillugit uppernarsarniarlugu Royal Greenlandip Ileqqorissaarnissamut najoqqutassiai pisiortorfiusartunut atuuttut atsiussavaat. Sullissinerminni avatangiiseq iluarseqqissinnaanngitsumik ajoqusissanagu assersuutigalugulu peqquserlullluni iluanaarniarneq sulinermilu ajutoorneq pinaveersaartinniarlugu iliuuseqartarlutik aammattaaq atsiussapput.
Pisiortorfiusartut nunani akunnatumik annertuumillu nalorninartorfiusuniittut aammattaaq immersugassamik qulaajaasumik immersueqquneqarlutillu assersuutigalugu suliffimmi avatangiisit pillugit peqquserlullunilu iluanaarniarneq akiorniarlugu politikkiminnik kiisalu pisiortorfiusartut avatangiisiminnut qanoq pitsaasumik sunniuteqarnissaat takusinnaaniassagatsigu nakkutilliinerit inernerinik nalunaarsukkanik tunniussisassallutik piumaffigineqartarput.
Takussutissat
Pisiortortarfitsinniit nalunaarutit katersorniarlugit nakkutilliinermut programmi nalimmassagaq Royal Greenlandimi atorneqarpoq. Pisiortortarfiit akissutaat akissutit tunngavigalugit programmimi inernilersorneqartarlutillu nakkutilliinermit nalunaarutit politikkillu suliffeqarfiup iluani misissorneqartussanngorlugit qarasaasiamut toqqorneqarsinnaanngortarput. Pisiortortarfik pillugu inernerit inaarutaasut aamma pisiortortarfittut akuersissut kingorna pisiortortarfiit sorlerpiaat CSR-imit akuerisaanersut suliffeqarfissuarmi aqutsisunut tamanut takuneqarsinnaalersillugit qarasaasiakkut ERP-systemimut ikkussuunneqartarput.
