Royal Greenlandi sulisussarsiorluni videomik saqqummersitsivoq
Paamiuni Maniitsumilu Royal Greenlandip tunisassiorfii aasaanerani 2019-imi sulisussarsiorpoq. Maannalu video inuusuttut 18-iniit 30-inut ukiullit tunisassiorfimmi aasaanerani sulilersitsiniartussaq sulisoqarnermut immikkoortortaqarfimmit saqqummiunneqarpoq.
Suliniut taaguuserneqarpoq “Aasarsiortoq”.
- Royal Greenlandimi aalajangersimasumik sulisorineqartorpassuit sulinngiffeqarnissamik ilaa aasaanerani sulinngiffeqarfigisarpaat. Taamaammat tunisassiorfitsinnut tulaassuisoqarnerpaaffiani naleqalersitsiniarnitsinni suleqataasinnaasunik pisariaqartitsisoqarpoq. Isumassarsiaq qangaanerusoq aasaanerani inuusuttut sulinngiffeqarnerup nalaani ikiuuttarnerat sulisoqarnermut immikkoortortatsinni oqaluuserinerani pilerpoq, iliniartitaanermut ingerlatsisoq Inga Dora Markussen oqarpoq.
Inuusuttunut sammitinneqarpoq
Royal Greenlandimi sulisoqarnermi siunnersortaasartoq, Tina Hansen, vidioliornissamik isumassarsiamik inerisaalluni suliarinnittuuvoq.
- Suliniut 18-iniit 30-nut ukiulinnut, aamma ilinniartunut sammitinneqarpoq, taakkulu Maniitsumi imaluunniit Paamiuni sivikinnerpaamik sapaatip akunnerini arfinilinni aasaanerani sulisikkusunneqarput. Inuusuttullu saaffiginiaraanni katersuuffianni, tassalu attaveqatigiittarfinni saaffigineqartariaqarput. Tamatumanilu takusassiaaraq ullutsinnut naleqquttoq pisariaqartinneqarsimavoq, taamaammallu Paamiut filmiliorfissatut toqqarparput, Tina Hansen oqarpoq.
Paamiuni Maniitsumilu Royal Greenlandip tunisassiorfiini inuusuttut aasaanerani sulilernissaanik kajumissaaraluni takusassiami naatsumi Paamiuni tunisassiorfimmi sulisut inuttaritinneqarput.
- Peqataasut pingaarnertut inuttarineqartut tunisasiornermi aqutsisoq Tanya Andersen, tunitsivimmi aqutsisoq Frederik Kristiansen aamma sannavimmi suleqatigiiaanut aqutsisoq Emil Brastha peqataasullumi allat takusassialiornermi ikiuummata nersualaarneqartariaqarput.
Video uani takuuk
Video
Paasissutissat:
Allattoq assiliisorlu: Sulisoqarnermut immikkoortortaqarfik
