Ilulissanni raajaleriffik sivikitsumik matoqqassaaq
Atortorissaarutinik aserfallatssaaliusoqarnissaa pissutigalugu Ilulissani Royal Greenlandip raajaleriffia marsip 14-ianiit marsip 24-iata tungaanut matugallassaaq.
Allattoq Inga Egede, ineg@royalgreenland.com- Raajanik sikulersukkanik tunisassiornerup ulapaarfiusumik aallartinnginnerani Ilulissani raajaleriffimmi tunisassiornermi atortorissaarutit pitsaanerpaaffiimmiitikkumallugit aaqqissuunneqassammata sapaatip akunnerani tolv-imi tunisineq tunisassiornerlu unikkallassapput, taama oqarpoq Ilulissani Royal Greenlandip raajaleriffiani tunisassiornermi aqutsisoq Jensigne Schmidt.
Jensine Schmidt oqarpoq tunisassiornermi atortorissaarutit pitsaanerpaaffimmiitinnerisigut tunisassiorneq uneqattaarani ingerlaavarsinnaalissasoq.
Sulisut pikkorissassapput
Ilulissani raajaleriffimmi sulisut 35-iusut amerlanerpaartaat raajaleriffiup matoqqanerata nalaani pikkorissartinneqasssapput sulisullu ilaat aserfallaatsaaliunermik suliaqartinneqassallutik.
- Matoqqanitsinni sulisut amerlanerpaartaat pikkorissartinneqassammata ilaallu tunisassiorfimmi aserfallatsaaliuinermik suliaqartinneqassammata matoqqanerput sulisunut annikitsuinnarmik sunniuteqassaaq. Maannakkorpiaq aamma imaq sikuummat matoqqanerput raajanik tunisisartutsinnut sunniuteqassanngilaq, Jensigne Schmidt oqarpoq.
Ilulissani raajaleriffiup matunnginnerani tunisineq kingulleq pissaaq marsip 14-iani tunisassiornerlu kingulleq pissalluni marsip 15 –iani. Marsip 24-iani Ilulissani raajaleriffik ammaqqissaaq.
