Bostonimi tuniniaanermut allaffeqarfik pilersinneqarpoq
Royal Greenlandimi tuniniaasoq nutaaq USA-mi Bostonimi 2018-imi novembarip aallaqqaataani atorfinitsinneqarpoq.
Allattoq Inga Egede, ineg@royalgreenland.comBostonimi tuniniaasutut atorfinitsinneqartoq, Valerie Murphy, Bostonip timmisartoqarfianiit 30-minutsini angalareerluni tikittarialimmi 2019-imi januaarip aappaani allaffittaarpoq. USA-mi Bostonimi tuniniaanermut allaffeqarfimmik ammaanermigut Royal Greenland nunani 14-ini tuniniaanermut maanna allaffeqarfeqalerpoq.
- USA-mi Bostonimi tuniniaanermut allaffeqarfimmik ammaanitsigut igaffissuarni nioqquteqartarfinnilu allani tuniniaanerput inerisarniarparput pisisartuvullu qaninnerulerlugit, Royal Greenlandimi avammut tuniniaanermi pisortaq Søren Eschen taama oqarpoq.
USA-mi Bostonimi Royal Greenlandip tuniniartagassai tassaapput: Saarulliit, raajat, qalerallit aammalu kapisillit pujuukkat.
Royal Greenlandi Nuummi qullersaqarfeqarfeqarpoq, kisiannili maanna Royal Greenlandi nunani ukunani tuniniaanermut allaffeqarfeqalerpoq: Danmarkimi, Sverigemi, Norgemi, Finlandimi, Englandimi, Tysklandimi, Frankrigimi, Italiami, Spaniami, Portugalimi, Kinami, Japanimi, Canadami maannalu aamma USA-mi.
