Qeqertarsuarmi saattuarniarneq ingerlalluarpoq
Royal Greenlandip tunisassiorsianut Qeqertarsuarmiittumut saattuanik tunisisarneq ukioq manna ingerlalluarpoq. Saattuat siorna tulaanneqartuniit 200 tonsinik annertunerusut tulaanneqarsimapput, saattuarniarnerlu aalisartunut illoqarfimmilu suliffissaqarnermut pitsaaqutaasimasoq tunisassiorfimmi Qeqertarsuarmiittumi ingerlatsisoq, Mona Lisa Isaksen ilisimatitsivoq.
Allattoq Inga Egede, ineg@royalgreenland.com- Pujortuleeqqat qulingiluat umiatsiaararlu ataaseq apriilimiit pisassiissutit oktobarip 26-ani tamakkerlutik tulaanneqarnissaasa tungaannut saattuanik tulaassuipput. Aalisartut saattuanik tunisinerup siulliup apriilip 29-ani ingerlanneqarneraniit oktobarip 26-ata tungaanut tunisisarnertik siornamut sanilliullugu marloriaatingajaanik annertusisimavaat, Mona Lisa Isaksen oqarpoq.
Qeqertarsuarmi suanniarneq ukioq manna aalisartunuinnaanngitsoq illoqarfimmili suliffissaqartitsinermut aammattaaq ingerlalluarpoq.
- Sulisut aalajangersimasut 14-it apriilip qaammataagaali sulisoraagut. Suanniarnerup nalaani amerlanernik sulisoqarpugut, tunisassiorfimmi ingerlatsisoq oqaluttuarpoq.
. Aalisartut aalisarfimmi kujasinnerusuni saattuarniarneq matuneqaraangat Kangaatsiami, Qeqertarsuarmi Upernaviullu pigisaani saattuarniartarput.
- Aalisartut illoqarfinni kujasinnerusuniittut aalisarfinni allani saattuarniarneq matuneqaraangat Kangaatsiami, Qeqertarsuarmi Upernaviullu pigisaani aalisarlutillu tunisisarput. Saattuat angillutillu pitsaasut tunineqartarmata ukioq manna angusagut nioqqutissanillu piareeriikkanik tunisassiornerput naammagisimaarparput, Mona Lisa Isaksen oqarpoq.
Aalisartut qeqertarsuarmiut suli qaleralinnik, saarullinnik qeeqqanillu tunisisarmata sulisut 14-it tunisassiorfimmi Qeqertarsuarmiittumi suli sulisorineqarput.
Paasissutissat:
Assiliisoq: Mona Lisa Isaksen
