Piujuartitsineq atuartunit sammineqarpoq
Nuuk Internationale Friskolemi (NIF) 7-klassiniit 10-klassinut atuartut piujuartitsineq ukkataralugu una sapaatip-akunnera sammisaqarput. Royal Greenland suliniummi nerisassanik atorussanillu aningaasaliisuuvoq.
Allattoq Inuuteq KriegelSammisani atuartut toqqarsinnaasaanni assigiinngitsuni arfineq-pingasuusuni nerisassanik eqqaanermik unitsitsinissaq sammisat ilagaat. Atuartut FoodLab suliffeqarfiillu allat suleqatigalugit cafémik piujuartitsisumik pilersitsisussaapput.
Atuartut nerisassiassanik tunisassianillu atorunnaarfissaanut ullumik nalliiliivittunik tunissuteqarfigineqarput. Nerisassat taakku iginneqariaannanngorsimagaluarput. Atuartut nerisassiassat atorlugit toqqagassaliorput, neriartortullu akeqanngitsumik neripput.
Tapasit, naatsiianik suppaliaq kaagilu iipilinik akuugaq qangatoortoq ilaatigut toqqagassaapput.
- Meeqqat iggavimmiinnerat sammisaqartitsinerup matuma torraqutigaa. Akunnerni marlussunni suliassaasinnaasut tamaasa ilanngullugit cafémik ingerlatsisinnaapput. Nerisassiornermiit sassaalliinermut aammalu sullissilluarnerq ilanngullugu. Nerisassiassanik igitassaraluanik nerisassiornerat aamma torraqutaavoq, FoodLabimi suliniutinut aqutsisoq, Anne Nivíka Grødem oqaluttuarpoq.
Sapaatip-akunnerani sammisaqarneq atuartumut Hjalte Degn Jacobsenimut nuannerlunilu ilikkarfiusimavoq.
- Neriniartarfimmisut sulinerput nuannaraara, inunnullu allanut sassaalliineq aamma nuannerpoq. Inersimasunngoruma sunngorusunnissannut isumassarsinnguatsiarpunga. Imaassinnaavormi siunissami tamakkuninnga suliaqartunga.
Borgmesteri Charlotte Ludvigsen cafémut neriartorlutik pulaartunut ilaavoq.
Suliniummi Naalagaaffiit Peqatigiit anguniagaat 17-it nunarsuarmut tamarmut atuuttut ukkatarineqarput, akisussaasumik atuineq tunisassiornerlu anguniakkat ilagaat.
Paasissutissat:
Allattoq assiliisorlu: Inuuteq Kriegel
