Atlantikup Avannaani issittumilu uumasut
Atlantikup Avannaata Sikuiuitsullu Avannarliup imartaa uumasoqarluarpoq - pisuussutit nerineqarsinnaasut pitsaalluinnartut inuussutigalugillu paarilluakkagut...
Atlantikup Avannaani silaannaq isikkaluartoq imartaa uumasunik ulikkaarpoq. Immami uumasoqarluarpoq, imarlu pisuussutinik ulikkaarpoq.
Atlantikup Avannaani Issittumilu aalisakkat pissuseqatigiiaat assigiinngitsut 1.100-it missaanniipput. Taakkunani 600-it imaannarmi uumasuusut sinneri natermiuupput. Nunatta eqqaaniinnaq qaleruallit uillullu, arferit aarluarsuillu pissuseqatigiiaat 15-it kiisalu puisit aavillu pissuseqatigiiaat arfinillit saniatigut aalisakkat pissuseqatigiiaat 250-iupput.
Immap nillissusaa
Uumasut pissuseqatigiiaat Atlantikup Avannaani Issittumilu uumasuusut silaannaap pissusaa issittoq imarlu nilleqisoq nalimmassarfiginikuuaat. Aammali piffissap ingerlanerani nillissuseq nikerarsinnaasarmat nikinnerit annikikkaluartut, 1° C ataallugu, silaannaap pissusianut immamilu uumasunut sunniuteqangaatsiarsinnaapput.
Aalisarnernik ingerlatsineq
Atlantikup Avannaani Sikuiuitsoq Avannarlermilu imaannarmi aalisarneq ukiut tamaasa nunarsuaq tamakkerlugu aalisarnerup 11 %-ianik annertussuseqartarpoq. Immani taakkunani marlunni pisat 2012-imi katillugit 10 mio. tonsiusimapput, taakkunani 8 tonsit Atlantikup imartaata avannamut kangiata tungaani (FAO 27) 2 tonsillu kangiata kitaata tungaani (FAO 21) kiisalu Issittumi pisarineqarsimapput. Sumiiffinni pineqartuni pissuseqatigiiaat amerlagaluartut niuerutigalugu aalisarneq pissuseqatigiiaanik ilisimasatsinnik ikitsuinnarnik aalisarfiuvoq.
Aalisarneq nakkutigeqqissaarneqarlunilu killilersugaasoq sumiiffimmi tassani ilisarnaataavoq, aalisarnerillu taakkorpiaat, assersuutigalugu Marine Stewardship Council (MSC)-miit suli akuerineqanngitsut, nungusaataanngitsumik ingerlatsineq pillugit paasissutissat katersorneqarnerisa allaffissornerullu pitsanngorsarneqarnissaa sulissutigineqarpoq.
