Paasisaqarnerugit Peqqinnartumik sulineq

Aqutsisoqatigiinni qaffasinnerusumik atorfilinni suiaassutsit agguataarnerat

Suiaassutsit amerlassusaat naligiinnerulerpata sulisut ilorrisimaarnerulernissaat naatsorsuutigineqarpoq

Ukiumoortumik naatsorsuusiortarnermut inatsimmi §99b naapertorlugu suliffeqarfimmi Royal Greenlanditut angitigisumi aqutsisoqatigiinni qaffasinnerusumik atorfilinni aqutsisunilu allani suiaassutsip ikinnerussuteqartup amerlassusissaanut anguniagassiisoqarlunilu anguniakkap qaqugu anguneqarnissaanut naatsorsuutigisat nassuiaatigineqassapput.

Nalorninartut periarfissallu

Suiaassutsit amerlassusaat naligiinnerulerpata sulisut ilorrisimaarnerulernissaat naatsorsuutigineqarpoq, tamanna siulersuisuni, aqutsisuni tunisassiorfinnilu atuuppoq. Siulersuisut aqutsisullu qaffasinnerusumik atorfillit assigiinngisitaarnerulerpata tamatumattaaq suliffeqarfimmi aalajangiisuusartut akornannut ingerlaqqinnissaa naatsorsuutigineqarpoq.

2022-mi iliuutsit inernerillu

2022-mi siulersuisunut siulittaasunngortoq arnaavoq.Tamanna Royal Greenlandip oqaluttuarisaanerani aatsaat pivoq. Tamatuma saniatigut 2022-mi ukiakkut pisortaanermik arnamik atorfinitsitsisoqarneratigut siulersuisut ataanni aqutsisoqatigiit siulliit februaarip aallaqqaataat 2023 aallarnerfigalugu allanngorput. Suiaassutsit ikinnerussuteqartut amerlinissaat anguniarlugu Royal Greenland sulilersitsiniarnermi arlalinnik iliuuseqartarpoq. Tamatuma kingunerisaanik aqutsisoqarfiup aappaani arnat marluk sulilersinneqarput.

2019-2022-mut anguniakkat piviusunngortitsinerillu

Anguniakkat:

Royal Greenlandimi suiaassutsinut politikki malillugu siulersuisuni ileqquusumik ataatsimeersuarnermi toqqarneqartuni arnat angutillu naligiimmik amerlassuseqassapput, matumanilu 40-60-nik agguarneqarnissaat akuersaarneqarsinnaavoq.

Aqutsisoqatigiit sinnerini suiaassutsit ikinnerussuteqartut amerlassusaat 26%-uvoq.

Anguniakkanik naammassinninneq:

Siulersuisut arnat angutillu katitigaanerat ullumikkut 50/50-iuvoq, tamannalu politikkimik eqquutsitsineruvoq. Siulersuisut tamakkerlugit katitigaanerat naatsorsussagaanni, tassa imaappoq ilaasortat sulisunit toqqakkat ilanngullugit, siulersuisut amerlassusaanni suiaassutsit ikinnerussuteqartut 44%-nik amerlassuseqarput.

Aqutsisoqatigiinni suiaassutsit ikinnerussuteqartut 2020-mi 14 %-iupput. Tassa imaappoq siulersuisut ataanni aqutsisoqarfinni pingasuusuni suiaassutsit katitigaanerisa naatsorsorneqarneranni annerusumik allanngortoqarsimanngilaq.

Umiarsuarni naalakkat imarsiortut ilanngukkaanni ingerlatseqatigiiffiit attuumassuteqartut ilanngullugit inunnit katillugit 424-nit arnat katillugit 17%-iupput. Aalisariutini aqumiutut sulisut taaneqartut affaasa missaat angallatini umiarsuarni naalagaapput.