Suleqataalersinnaasut Tunumi naapinneqarput
2018-imi ulapaarfiup nalaani Kitaani tunisassiorfinni sulisussanik Tunumeerssunik inunnik 20-it 30-illu akornanni amerlassuseqartunik Royal Greenlandip sulisussarsisinnaanissani neriuutigaa. Tassunga atatillugu Royal Greenlandimi sulisoqarnermut immikkoortortaqarfimmi sulisut marluk sulisorilersinnaasat naapikkiartorlugit Tasiilamiipput.
Allattoq Inga Egede, ineg@royalgreenland.comSulisorilersinnaasat Tasiilap nunaqarfiineersut naapeqqaarlugit kikkut sulisussatut toqqarneqarumaartut suliffeqarfissuarmi sulisoqarnermut ingerlatsisoq, Søren Olsen Damgaard oqarpoq
- 2018-mi ulapaarfiup nalaani Kitaani tunisassiorfinni Tunumiunik sulisoqarusuppugut, taamaattumik Kommuneqarfik Sermersooq suleqatigalugu Royal Greenlandimi suliffissat periarfissaasut pillugit saqqummiussiartorluta sapaatip akunnera kingulleq Tasiilamiippugut, Søren Olsen Damgaard oqarpoq.
Iluanaarfiuvoq
Royal Greenlandimi sulisoqarnermut immikoortortaqarfimmeersut marluk sapaatip akunnera kingulleq Kitaani tunisassiorfinni suliffissat pillugit Tasiilami sulifissarsiortunut inunnut 35-it missaaniittunut saqqummiipput.
- 2018-mi ulapaarfiup nalaani Royal Greenlandimi suliffissat pillugit saqqummiigatta inuit 35-it takkummata aggiasoqarluarpoq. Saqqummiussereernerup kingorna inuit soqutiginnittut 30-it missingi ataasiakkaarlugit oqaloqatigaavut. Kommuneqarfik Sermersuumi Majoriami aamma suliffissarsiussisiarfik suleqatigalugu oqaloqateqarnerput iluanaarfiusutut nalilerusuppara, inuimmi sulilersinnaasutut piukkussavut suliffissaannik neqeroorfigisinnaasut toqqarneqarput.
Kisiannili Tasiilap nunaqarfiini suliffissarsiortunik naapitsereernerup kingorna aatsaat Royal Greenlandimi sulisoqarnermut immikkoortortaqarfimmi sulisut kikkut sulisussatut toqqarumaarnerlugit aalajangissapput.
- Tasiilap nunaqarfiini sulifissarsiortutut piffissami aggersumi Tasiilami pikkorissartinneqarneranni suleqatitta naapissavai. Kingorna inuit Tunumeersut qassit aammalu inuit kikkorpiaat sulisussatut toqqarneqarumaarnersut aalajangerneqarumaarpoq. Naatsorsuutigaarput Tunumeersut 20-it 30-illu akornanni 2018-imi ulapaarfiup nalaani sulisussat sulifimmik neqeroorfigiumaarivut, Søren Olsen Damgaard oqarpoq.
Paasissutissat:
Assit: Svend Larsen
