Qeqqussanik naatitsineq iluatsilluartoq

Nikoline Ziemer misileraanerup iluatsilluarsimaneranik qulakkeerinninnissaminut 2019-imi upernaap tungaanut utaqqisariaqarsimavoq, qujanartumillu qeqqussarpassuit naajorarsimasut siumorsimavai.

Misileraanerup iluatsinniarnera sivisuvoq

Nikoline Ziemer qeqqussanik naatitsinermut qeqqussanillu katersinermut periarfissanik misissuilluni 2015-imi aallartippoq. Nunanut avannarlernut angalasaqattaarnermigut suliniutinik qeqqussanik katersinermut naatitsinermullu tunngasunik ukiuni arlalinni misissuereerluni qeqqussanik naatitsinermik misileraanissi toqqarpaa. Qeqqussat naatitat minguinnerusarmata qeqqussanillu immami maaniinnaq naasimasunik katersineq immap naqqanik innarliinermik kinguneqartarmat katersukkallu peqqissaartumik minguiarneqartariaqartarmata qeqqussanik immami maaniinnarmi naasimasunik katersisoqartalernissaa toqqarsimanngilaa.

Baalia ataaseq aallartissutigaa

Naatitsinerup ingerlarnga sivisusarpoq, qeqqussallu naatitsinermut atugassat tunisassiorfimmi passunneqaqqaartarput. Qeqqussat naatitsinermut atugassat immamut inissitsinnagit baalianut ikillugit kinguaassiortinneqartarput. Nikoline Ziemerip naasoqarluarnissaa qulareqqaarsimagaluarmagu ilimageqqaarsimagaluarpaa naatitsiniarneq tamakkiisumik iluatsinnavianngitsoq.

- Sulluitsorpassuit uisuitsorpassuillu naasimappput, taakkulu kusanaqalutik allunaasanut siassimapput. Qujanartumik naasimapput, tassami nalunaaquttap-akunneri naatinniarnerinut atukkakka amerlammata.

- Qeqqussanik nunanut allanut niueruteqartalernissarput tunngaviusumik anguniarlugu qeqqussanik naatitsisalerpugut. Siunissami ungasinnerusumi qeqqussanik ukiumut 40 tonsinik sapinngisamilli 100 tonsinik naatitsisalernissara angorusuppara. 2020-lli tungaanut misileraanera qanoq ingerlajumaarnersoq piffissap takutikkumaarpaa, Nikoline Ziemer oqarpoq.

Nikoline Ziemer qeqqussanik naatereersimasaanit annertunerusunik naatitseqqinnissaminut piareersaleruttorpoq.