Imarsiornermi isumannaallisaaneq pillugu pikkorissartut
Kilisaateqarfik inuttanut 27-nut Nuummi imarsiornermi isumannaallisaaneq pillugu pikkorissartitsivoq. Aalisartut ilinniarsimasut ilinniarsimanngitsullu pikkorissaqatigiiaanut marlunnut avinneqarlutik pikkorissartinneqarput.
Allattoq Inga Egede- Aalisartut ilinniarsimasut ulluni tallimani pikkorissarput, massa aalisartut ilinniarsimanngitsut ullunit tallimanit amerlanerusuni pikkorissartinneqartut, Royal Greenlandimi inuttalerinermi ataqatigiissaarisoq Birgithe Heinrich oqarpoq.
Imarsiornermi suliffeqarfiit sapinngisamik isumannaatsuunissaat qulakkeerumallugu inuttat tamarmik imarsiornermi isumannaallisaaneq pillugu pikkorissartinneqarsimanissaat kilisaateqarfimmit annertuumik ukkatarineqarpoq.
- Kilisaataatitsinni isumannaallisaasoqarsimanissaa pingaartilluinnarparput, taamaammat aalisartut ajutoortoqanissaanut isumannaallisaavigineqarnerisigut imarsiornermi isumannaallisaanerup tungaatigut pisinnaassusaannik piginnaasaannillu attassivugut. Inuttanut imarsiornermi isumannaallisaaneq pillugu pikkorissartitsinerit pikkorissartitsinerillu allat ataavartumik ingerlattarpavut, Birgithe Heinrich oqarpoq.
Aalisartunut 27-nut imarsiornermi isumannaallisaaneq pillugu pikkorissartitsinerit pikkorissartitsinermut inini Nuuk Transportimit pigineqartuni ingerlanneqarput, massa immami sungiusarnerit talittarfiup Royal Greenlandip qullersaqarfiata akianiittup eqqaani ingerlanneqartut.
