Avataq Royal Greenland A/S-imut tunniunneqarpoq
Royal Greenlandip kilisaataataani anginerpaaq, Avataq, umiarsualiorfimmiit piginnittumut ataasinngornermi decembarip aappaani tunniunneqartoq amutsivimmi Muruetami Bilbaomiittumi Royal Greenlandimut tunniunneqarpoq.
Allattoq Inga Egede, ineg@royalgreenland.com- Kilisaat tiguarput, amutsiviulli teknikerillu allat nunatsinnut aalisariarluta avalanniassagatta kilisaat naammassiniarlugu ulapputigileruttorpaat. 2020-mi januaarip pingajuani Nuummut tulannissarput 2020-milu januaarip sisamaani aalisariarluta avalannissarput naatsorsuutigaarput, Avatami aquttoq Jogvan Trondarson oqarpoq.
Januaarip aallartinnerani atulissaaq
Royal Greenlandip kilisaataataani nutaanerpaaq, Avataq, 82,30 meterisut takitigalunilu 18 meterisut silitsigaaq. Kilisaat taamaalilluni Royal Greenlandip kilisaataataani anginerpaagami 2.850 kubikmeterinik annertutigisumik useqarsinnaassaaq. Kilisaat nutaaliaalluinnartoq, qaleralinnik aalisarsinnaallunilu raajanik kilisassinnaasoq, 10.000 HK-nik piginnaasalimmik motooreqarlunilu, innaallagiatortunik sisamanik amooruteqarlunilu ataatsikkut pingasunik kilisassinnaavoq.
- Januaarip aallartinnerani raajarniarnerup aallartinnissaa naatsorsuutigaarput. Teknikkikkut atortut amerlasuut kilisaammut tulluarsarneqarlutillu naleqqussarneqartussaammata aalisarneq aallartippat teknikerinik aqqaneq-marlunnik ilaasoqassamaarpugut, Jogvan Trondarson ilisimatitsivoq.
Avataq 30-nik innuttaqarsinnaasoq nunatta Barentillu imartaani aalisassaaq.
Avataq unnuk kultoorisiorfimmi januaarip 18-iani 2020 Nuummi umiarsualivimmi atertaartinneqarlunilu kingorna takornariarneqarsinnaassaaq.
Allaaserisap ataani Avataq Bilbaomi piareersarneqarneranit assit takuneqarsinnaapput.
Paasissutissat:
Assit: Jogvan Trondarson
