Saliineq allannguivoq
Pingasunngormat junip 13-iani CSR Greenlandip Nuup illoqarfiani suliffeqarfiit peqataatillugit saliititsinerani, Saligaatsoq-imi, Royal Greendlandimi nunatsinni tuniniaavimmi sulisut, tuniassiorfimmi sulisut aamma allaffissuarmi sulisut katillutik inuit 30-it missingi saleeqataapput.
Allattoq Inga Egede, ineg@royalgreenland.comRoyal Greenlandimi sulisut Qasapimi umiarsualiviup eqqaani aamma tunisassiorfiup eqqaani saliigamik puussiarsuit 30-it, saviminimerngit minnerunngitsumillu qassutikut katersorpaat.
- Suleqativut sulilluaqaat, taamaattumik igitassanik annertuunik katersivugut. Umiarsualiup Qasapimiittup eqqaa saleereernitta kingorna torerseqaaq, taama oqarpoq Royal Greenlandimi sulisoqarnermut immikkoortortaqarfimmi suleqataasoq, Carina Isbosethsen, nangipporlu:
- Igitassarpassuit katersorpavut ajoraluartumilli igitassaasinnaasut ilaat katersorsinnaasimanngilagut, soorlu allunaasakut plastikkillu assigisaallu ujaqqanut imaluunniit atortunut Qasapimi uninngasuutitanut kiggeqqallutik piiariaannaanngimmata.
Saligaatsoq 2019-ip aaqqissuunneqarnerani Royal Greenland sinnerlugu Carina Isbosethsen CSR Greenlandimut attaveqaataavoq
- Aaqqissuussineq “Saligaatsoq” ajunngilluinnartuuvoq uagullu Royal Greenlandimi sulisuusugut ukioq manna aammaarluta saliinermi peqataaqqissinnaagatta nuannaarutigaarput, imallaammi suliffeqarfitta eqqaa allannguilluinnartumik saligaallivoq .
Royal Greenlandimi sulisut Qasapimi umiarsualiviup eqqaani saliineranni assilisat allaaserisap ataani takuneqarsinnaapput.
Paasissutissat:
Assiliisoq: John David Eriksen
