Nunaqarfiup uummataa ammaqqippoq
Royal Greenlandip Qaarsuni tunitsivik ammaqqimmagu nunaqarfimmi aalisartut nunaqarfimminni tunisisinnaanngoqqipput. Qaarsuni tunitsivik ukiut pingasut missaanni matoqqareerluni marlunngormat marisp 19-iani 2019 ammaqqinneratigut tunitsivimmi sulisut tallimat atorfinitsinneqarput.
Allattoq Inga Egede, ineg@royalgreenland.com- Qaarsuni tunitsiviup ammaqqinnera uagutsinnut nunaqarfimmiuusunut pingaaruteqaqaaq. Tunitsivimmik ammaaqqinneq suliffinnik pilersitsivoq minnerunngitsumillu nunaqarfimmi aalisartut Uummannamut tunisiartornatik nunaqarfimminni tunisisinnaanngorput. Nunaqarfiup uummataa ammaqqimmat nunaqarfimmiuusunut pingaaruteqaqaaq, taama oqarpoq Qaarsuni tunitsivimmi tunisinermi aqutsisutut atorfineqqammersoq, Dorthe Kristensen.
Tunisat Uummannamut assartorneqartassapput
Qaarsuni tunitsivik kingullermik aalisartitseqatigiiffimmit namminersortumit KNT-imit ingerlanneqarnikuusoq qerititseveqaranilu quersuaqanngimmat aalisakkat tunineqartut qamuteralannik sikukkut 24 kilumiiterit ingerlaarfigalugit Uummannamut assartorneqartassapput.
- Aalisakkat tunitsivimmut tunineqartut ukiuunerani qamuteralannik aasaaneranilu angallatinik Uummannamut assartorneqartassapput. Aalisartut Qaarsuneersut arlallit assartuisarnissaannik isumaqatigiissuteqarfigaavut, taama oqarpoq Royal Greenlandimi ingerlatsinermut pisortaq, Niels Ole Møller.
- Qaarsuni aalisartut qamuteralannik ukiukkut sikukkut aassamilu umiatsiamik Uummannamut tunisiartornatik nunaqarfimminni tunisisinnaanngoqqinnerat nuannaarutigaarput, Niels Ole Møller oqarpoq.
Qaarsut 172-inik inoqarpoq.
Qaarsuni tunitsivik aamma tassani ullumi pisut allaaserisap ataani assini takuneqarsinnaapput.
Paasissutissat:
Assit: Dorthe Kristensen & Mainhard Jacobsen.
