Teknikkikkut ingerlatsisoq 70-inik ukioqalerpoq
Uummannami Royal Greenlandip tunisassiorfiani teknikkikkut ingerlatsisoq, Niels Lange ippassaq februarip ulluisa 28-ianni 70-inik ukioqalerpoq. Niels Lange ukiut 25-it sinnerlugit Uummannami Royal Greenlandip tunisassiorfiani mekanikeritut kingornalu teknikkikkut ingerlatsisutut sulisoq ukiut 50-it matuma siorna automekanikeritut ilinniarnini naammassivaa.
Allattoq Inga Egede, ineg@royalgreenland.com- 70-iliininni ullorsiorluaqaanga, ilaatigut suleqatikka isertoraakka, diplomimik tunineqarpunga aammalu aningaasanik tunineqarlunga. Aamma qatanngutiga uinilu Danmarkimiit inuuiliarlutik tikeraartut ilagigatsigit ullorsiorluaqaanga, Niels Lange oqarpoq.
Uummannami Royal Greenlandip tunisassiorfiani mekanikeritut kingornalu teknikkikkut ingerlatsisutut Niels Langep ukiuni 25-ini sulisimanera 2018-imi nalliuttorsiutigineqarpoq. Niels Langep Hillerød Teknisk Skolemi automekanikeritut ilinniarnini junimi 1969-imi naammassivaa.
Niels Lange 1993-imi Uummannami Royal Greenlandip tunisassiorfiani sulilerpoq. Sioqqullugu Grønlands Tekniske Organisation-imi, GTO-imi aamma namminersortumi ukiorpassuarni sulivoq. Niels Lange soraarninngussamaanngikkallarpoq.
- 70-iliiguma soraarninngorniarlunga aalajangernikuugaluarpunga, kisianni suliinnarsinnaasoralunga suliffinniit aperineqarama akueraara. Taaamaattumik suliffinni sulinissara kissaatigineqarallartillugu aamma timera pisinnaatillugu Uummannami Royal Greenlandip tunisassiorfiani suliinnarallassaanga, Niels Lange oqarpoq.
