Saarullinniarneq aallartippoq – periusissat suunersut ilisimavigit?
Assersuutigalugu Nutaaq-tut tunisassiassanik saarullinniarfissanngorpoq. Ukioq manna periusissat nutaat paasisaqarfigiumallugit una atuaruk.
Allattoq Mathies Hvid ToftBundgarnersorluni saarullinniarnissaq aallartippoq.
Ukioq manna nutaarsiassatut saarulliit bundgarninik pisat tamarmik Royal Greenlandimut tunineqartinnagit ulluni 14-ini qassutini uumatitsivinniitinneqarsimassapput.
Tamanna ataasiinnarmik pissuteqarpoq. Tassa pitsaassuseq.
- Saarulliit minnerpaamik ulluni 14-ini qassutini uumatitsivinniitinneqarsimagaangamik nerpiginnerungaatsiarlutillu qalipaatiginnerusarput, taamaaliornikkullu tunisaqarnerusinnaallutalu aalisartumut iluaqutaasumik akit pitsaanerusut pissarsiarisinnaavagut, Royal Greenlandimi saarulliit pillugit ingerlatsinermi aqutsisoq Sten Sørensen nassuiaavoq
Royal Greenland aalisartunut bundsgarnersorluni saarullittanik tuniserusuttunut qassutinik uumatitsivinnik akeqanngitsumik atukkiussisinnaavoq.
Aalisakkat nakkutiginissaat eqqaamajuk
Qassutinik uumatitsivimmik ataatsimik arlalinnilluunniit atorniaruit atsiugassaq atuarlugulu atsiussavat.
- Tassani aalisartup aalisakkat Royal Greenlandip angallataanit aallertussamit aaneqartinnagit pigigai ilaatigut allaqqavoq, Sten Sørensen oqarpoq.
Tassa aalisakkat Royal Greenlandip angallataanut Tunermut tunniullugit aaneqartinnagit toqusimannginnissaat aalisartup nammineq nakkutigissallugu akisussaaffigaa.
Tamanna qanoq qulakkeerneqarsinnaanersoq allakkiami uani paasisaqarfiginerusinnaavat.
Qassutit uumatitsiviit kuut eqqaanni sumiiffinniluunniit tarajoqanngitsumik imeqarfiusuni inissinnaveersaarnissaat ilaatigut pingaaruteqarpoq.
Saarulliit pisarineqartut tamarmik tunisassiorfimmi Maniitsumiittumi tunisassiarineqartarput, tunisassiorfiullu aalisakkat aaneqarnissaat aamma aaqqissuuttarpaa.
