Ukioq manna nipisat suanniarneq naammasivoq

Nipisat suanniarneq aalisarnerup aallartinneranit naammassivoq.  

Nunarsuarmi niuerfinni pissutsit ilungersunartorsiorfiusut nalaanni Royal Greenlandip nipisat suanniarneq naallugu kilomut 22 koruuninik koruunimillu ataatsimik aggornersiassaqartitsilluni akeqartitsineq attassimavaa.   

- Nipisat suanniarneq iluatsittumik naammassivorngaasiit. 22 koruuninik koruunimillu ataatsimik aggornersiassaqartitsilluta akeqartitsinerput aalaakkaasimavoq tamannalu naatsorsuutaasimanngikkaluarpoq, Møller Lyberth Royal Greenlandimi tunisassialerinermi ingerlatsisoq oqarpoq nangillunilu: 

- Aappaagu nipisat suanniaqqinnissamut qilanaarlutalu aalisartutsinnik pilersuisutsinnillu suleqateqarsimanitsinnut qujavugut.

Nipisat suanniarneq apriilip 18-anni aallartippoq; aqutsiveqarfimmi kingullermi maajip aallaqqaataanni aallartippoq. Aalisarneq tassanngaanniit ulluni 60-ni pisassalluunniit nungunneqarnissaasa tungaannut ammasarpoq.

TAC ukioq manna tamakkiisumik 1400 tonsiuvoq. Royal Greenland Narsami tunitsivimmiit nipisat suaannik tunitsiveqarfiit avannarpasinnerpaannut Qeqertarsuarmut tikillugu 815 tonsinik tunisisitsisimavoq.