Paamiuni sulisut pikkorissarnerat iluatsilluartoq

Royal Greenlandip pisarnertut ukioq manna pikkorissarneq siulleq, Sulisa+, Paamiuni ingerlappaa. Pikkorissarneq suliffeqarfiup tunisassiorfiinut annernut tulluarsagaasoq inuttut ineriartornermik, aqutsisutut ineriartornermik pitsaanerusumillu suleqatigiinnissamik imaqarpoq.  

Sulisut assigiinngitsunik sammisaqarlutik suleqatigiissinnaanerat misilerarneqarpoq, matumanilu tatigeqatigiissinnaanissaat ataqatigiinnerulernissaallu siunertaavoq. Siunnersortit marluk Royal Greenlandip Sulisoqarnermut Immikkoortortaaneersut, Minik Hansen aamma Nina Heilmann Larsen, saniatigut katsorsaasoq Lisa Schmidt kiisalu aqutsisunik ineriartortitsinermi siunnersorti Maja Motzfeldt Haahr peqataapput.

Eqqartukkat pikkunarsinnaasut

Inuttut ineriartornermik ilinniartitsinermut atatillugu peqataasut inuttut aqqusaarsimasaminnik avitseqarteqarsinnaapput.

• Inuttut aqqusaarsimasanik oqaluttuarnermi tatigeqatigiinneq annertooq pilersinneqartarpoq, tassami suleqatinut oqaluttuarineq ajukkat oqaluttuarineqartaramik. Tatigeqatigiinneq qanimut suleqatigiinnissamut pingaaruteqarluinnarpoq, taamaammat pikkunarsinnaasunik eqqartuillutik imminnut ammaffiginerat takullugu nuannerpoq, Nina Heilmann Larsen Sulisoqarnermut Immikkoortortami inerisaanermi siunnersortaasoq oqaluttuarpoq.

Aammattaaq peqataasut eqqarsaatsinut nuanniitsunut qisuariartaatsit pillugit ilinniartinneqarlutillu ulluni tulliuttuni katsorsaasumit Lisamit ataasiakkaarlutik oqaloqateqarnissamik neqeroorfigineqarput, tamannalu peqataasunit arlalinnit atorluarneqarpoq. 

Suliffigissaarnerulerneq

Naggasiutitut aqutsisut sulisullu suliaminnik ataqatigiissitsissallutik katersuupput. Matumani sulisutut sunik naleqartitaqarnissaq eqqartorneqarlunilu tunisassiorfiup ilisarnaatitut naleqartitassai toqqarneqarput.

• Pikkorissarneq tamakkiisumik nalilissagaanni iluatsilluarlunilu sulisunit nuannarineqaqaaq. Peqataasut qujamasuttut qiimaqaat. Pikkorissarneq, Sulisa+, suliffigissaarnerulersitsisartutut ilisimaneqarpoq, taamaammat peqataasut siunissami iluatsitsilluarnissaannik kissaappakka, Nina naggasiivoq.

Royal Greenlandip Sulisoqarnermut Immikkoortortaani siunnersortit Nina Heilmann Larsen aamma Minik Hansen

Suleqatigiissinnaassuseq patajaallisarniarlugu sungiusartoqarpoq

Tunisassiorfimmi aqutsisut pitsanngorsaataasinnaasunik saqqummiipput

Pikkorissaanissap tullia Qasigiannguani apriilip qiteqqunnerani ingerlanneqassaaq.