ATAQQINARTORSUAQ DRONNING MARGRETHE II QAMANNGA PISUMIT QUTSAVIGAARPUT

Periarfissaq iluatsillugu Ataqqinartorsuaq ukiorpanni Royal Greenlandip nunatsinni nunattalu avataani suliaanut annertuumik pimoorussillunilu soqutiginnissimaneranut qutsavigaarput.

Ataqqinartorsuup ilaqutaasalu nunatsinni nunattalu avataani tunisassiorfitsinnut allaffitsinnullu tikilluaqqusinnaasimagatsigik nuannaarutigaarput, aammattaaq nunani tamalaani kunngeqarfik sinnerlugu suliassanut assigiinngitsunut peqataasarsimanera malinnaavigisimavarput. Kunngikkormiumik taamak silatutigisumik ilisimasaqartigisumillu illersuisoqarsimanerput tamatigut nuannaarutigalugulu immikkut pisinnaatitaaffittut isigiuarsimavarput.

Kunnginngortoq ataqqinartorsuaq Kong Frederik X pilluaqquarput. Kunngip ilaquttanilu nunatsinnut tikilluaqqunissaannut kiisalu nunani tamalaani patajaatsumik niuernernernut kulturikkullu avitseqatigiinnernut saarlersaalluni peqataasarnerata malinnaaviginissaanut qilaanaaraarput.