25.000 koruunit MIO-mut
Royal Greenland akilersuisarfittut sillimmasiisarfimmi Atradiusimi makitsinikkut eqqugassamik aannerpaamik 25.000 koruninik aningaasartalimmik eqquivoq, aningaasallu Meeqqat Pisinnaatitaaffiinut Sullissivimmut MIO-mut ullumi tunissutigineqarput.
Allattoq Káte Hansen, kaha@royalgreenland.comRoyal Greenlandi juullilernerani eqquiniaasitsinermi ukiut tamakkiallugit ingerlanneqartartumi aammalu akilersuisarfittut sillimmasiisarfimmit Atradiusimit ingerlanneqartartumi eqqugassat annersaannik 25.000 koruuninik aningaasartalimmik eqquisuuvoq, aningaasallu MIO-mut tunissutigineqarput.
- Royal Greenlandip Svenstrupimi sulisui qutsavigaavut. Tunissutigineqartoq qujamasuutigeqaarput. Aningaasat Kalaallit Nunaanni meeqqat atugaasa pitsanngorsarneqarnerannut atorneqarumaarput, Meeqqat Illersuisuat Aviâja Egede Lynge oqarpoq.
Juullilernerani eqquiniaasitsineq Royal Greenlandip Atradiusimi sullinneqartartutut peqataaffigisaa siorna juullilernerani suliffeqarfinnit 509-nit ikinnerunngitsunit peqataaffigineqarpoq, taakkunanngalu tassa Royal Greenland eqqugassat annersaannik eqquisuuvoq.
Eqquiniaassutinit katillugit 61.767-iusunit 1986-it Royal Greenlandimi sulisunit 107-iusunit suleqatigiinnikkut katersorneqarsimapput, naggataatigullu tassa eqqugassat annersaannik eqquissutigineqarlutik.
Akilersuisarfittut sillimmasiisarfik Atradius sullitaminut suleqatigisartakkaminullu ukiut tamaasa juullilernerani decembarimi ileqquusumik eqquiniaasitsisarpoq. Peqataasunit ullut tamakkiallugit eqqorneqarsinnaasut saniasigut suliffeqarfikkuutaarluni eqqugassanik amerlanerpaanik katersinikkut eqqugassat annersaannik taamalu 25.000 koruuninik ikiuiniarnermut nammineq toqqakkamut tunissutigineqarsinnaasunik eqqugassartaqarpoq.
Paasissutissat:
Foto: John David Eriksen
