Attaveqatigiinnermut immikkoortortami sulisut amerlineqarput
Attaveqatigiinnermi immikkoortortami aaqqissuussaanermi allannguisoqarnera tunngavigalugu Masaana Egede Royal Greenlandimi Suliffeqarfissuarmi Attaveqatigiinnermut Ingerlatsisutut ataasinngornermi februaarip aallaqqaataani 2021 atorfinissaaq.
Masaana Air Greenlandimi Attaveqatigiinnermut Ingerlatsisutut atorfeqarsimallunilu ukiuni arlalinni KNR-imi radiomut pisortatut sulinikuuvoq.
Suliffeqarfiup iluani attaveqaat intranetsi Ruujaaleeraq immikkoortortat, tunitsiviit, kilisaatit nunallu killingi akimorlugit suleqatigiinnermik annertusaanermut atorniassammat Royal Greenlandimi tamarmi atorsinnaalersinnissaa Attaveqatigiinnermut Immikkoortortami sulissutigineqarpoq. Intranetsi nutaaq atulerpat atuisut aamma amerlissapput, tamannalu nutaarsiassanik suliffeqarfissuarmiit tamarmeersunik amerlanerusunik pilersitsissaaq. Royal Greenlandip suliffeqarfiup saqqumilaarnera ilaatigut nittartakkatigut naapittarfitsigut annertusartuarusuppaa. Suliffeqarfissuarmi attaveqatigiinnermut ingerlatsisup Attaveqatigiinnermut sulisoqarnermullu pisortaq Jens K. Lyberth qullersarissavaa.
Inga Dora G. Markussen, Attaveqatigiinnermut ingerlatsisutut soraassalluni nammineq kissaateqarsimasoq, atorfimmi nutaami Suliniuteqarnermut attaveqatigiinnermullu siunnersortitut atorfinissagami Attaveqatigiinnermut immikkoortortami Sulisoqarnermullu immikkoortortami suliaqartassaaq. Inga Dorap Royal Greenlandimi ukiuni pingasuni sulereersup, 2019-imi oktobarip aallaqqaataani Suliffeqarfissuarmi attaveqatigiinnermut ingerlatsisutut atorfininnginnermini siullermik Ilinniartitaanermut ingerlatsisutut atorfeqarnikuusup suliffeqarfissuarmi attaveqatigiinnermut ingerlatsisoq qullersarissavaa.
