Innuttaasunik ataatsimiisitsineq ornigarneqarluarpoq

Maniitsumi tunisassiorfiup ingerlatsisua Susanne Marie Olsen, Royal Greenlandimi tunisassialerinermi ingertasisoq Sten Sørensen, kiisalu Royal Greenlandimi pitsassusilerinermi ingerlatsisoq Dorthe Drejer Korsgaard, Maniitsumi innuttaasunik ataatsimiisitsinermi saqqummiusinerminni ilaatigut saarullinnik uumasunik nuutitsivinnik atuutsitilernerup siunertaa saqqummiuppaat.

Umiarsuup uumatitsiviup “Maniitsup” aalisartut pisaat aareernerani aalisakkat amerlanerusut inaalikkallarfissaqarnissaat umiarsualivimmi uumatisivinnik marlunnik atuutitsinerup siunertaraa, taamalilluni tunisassiorfiup aalisakkanik uumasunik inissiivii tankit qanoq imaqartiginerat apeqqutaatinnagu umiarsuaq uumatitsivik Nuup eqqaaniit Kangaatsiap eqqaa tikillugu saarullinnik uumasunik aallersinnaanissaa siunertaavoq.

Royal Greenlandi inuussutissalerinermik oqartussanit akuersissuteqarluni aamma akuersissutit aatsaat Royal Greenlandip tunisassiornermi ingerlatsinermi aqutsisinnaanera tunisassianillu pisaatsunik tunisassiorsinnaanera aallaavigalugit oqartussanit akuersissutinik tunisisoqartarnera innuttaasunik ataatsimiisitsinermi aamma paasissutissiissutigineqarpoq.

- Ataatsimiinneq qiimanartumik ingerlavoq sorngunami aamma umiarsualivimmi uumasunik aalisagaqarnera pillugu isornartorsiusunik apeqquteqartoqarpoq, Sten Sørensen oqarpoq nangillunilu:

- Sapinngisarput tamaat piviusoq aallaavigalugu asqqummiussivugut. Inatsisartuni ilaasortaq Siverth K. Heilmann ataatsimiinnermi aamma peqataasoq oqarpoq suliap ingerlanneqarnerani iluatsilluarnissaa anguniarlugu ikiuukkusulluni.

- Ataatsimiineq ingerlalluarmat naggataatigut peqatasut paattaapput.