Nioqqutissianik ineriikkanik sikukkut assartuineq

- Februaip 25-iani 27-iani aamma marsip 11-iani 12-ianilu qalerallit nioqqutissiat ineriikkat Ikersammiit Uummannamut assartorneqarput. Nioqqutissat ineriikkat katillugit pallit 155-it aalisartut 32-it ullut sisimat ingerlaneranni sikukkut Ikerasammiit Uummannamut assartorpaat, Ikerasammi Royal Greenlandip tunisassiorfiani aqutsisoq Elisabeth Filemonsen oqaluttuarpoq.

Kilumiitererpassuit qamuteralannik

Aalisartut Uummannap nunaqarfiineersut Uummannameersullu ikioqatigiillutik nioqqutissianik ineriikkanik upernaakkut assartuisarput. Aalisartut qamuteralannik qamutinik kalitaqarlutik sikukkut isorartussutsit annertuut ingerlaarlugit sila 30-it angullugit issittoq assartuisarput.

Aalisartut pallit ataasiakkaarlugit arlariikkaarlugilluunniit assartortarpaat, aalisartulli ilaat ullormut arlaleriarlutik uteqattaarlutik assartuisarput. Palle ataaseq qaleralinnik iluitsunik aamma qaleralinnik niaquikkanik paperuikkanillu imalik 525 kiilut missaanni oqimaasuseqarpoq pallerli ataaseq qalerallit avaleraannik imalik 800 kiilut missaannik oqimaassuseqartarluni.

Aalisartut 32-it Ikerasammiit Uummannamut assartuigamik sikukkut ingerlaarfik siumuinnaq 42 kilomiiteri ullut sisamat assartuigamik nioqqutissiat ineriikkat 110 tonsit missingi assartorpaat

Unigatik tunisisinnaalerput

Aalisartut Uummannap eqqaannersut upernaaq manna nioqqutissiat ineriikkat pallit 137-it Ukkusissaniit Uummannamut assartorpaat. Ukkusissaniit Uummannamut ingerlaarfik 90 kilumiiterinik isorartussuseqartoq, Ukkusissani Royal Greenlandip tunitsiviani aqutsisoq Johanne Samuelsen oqaluttuarpoq.

- Suli qerititsivigut ulikkaanngitsut assartuisoqarpoq, kisianni maanna qeritsiviit imaarmata aalisartut uninnatik tunisinnaarsinnaalerput

Aamma marsip 19-iani, 20-iani aamma 21-iani Saattuniit Uummannamut katillugit pallit 318-it assartorneqarput.

- Qerititsivipput ulikkaavinngikkaluarpoq, kisianni assartuisoqarneratigut nunaqarfimmi aalisartut upernaaq tamaat tunisinnaarsinnaalerput, Saattuni tunisassiorfiup aqutsisua, Marie Knudsen oqarpoq.

Aalisakkat nioqqutissiat ineriikkat nunaqarfinneersut aasaru sikuerpat assartorneqarnissaasa tungaanut Uummannami Royal Greenlandip quersuini inissinneqarallarput.

Marsip 19-iani, 20-iani aamma 21-iani Saattuniit Uummannamut katillugit pallit 318-it assartorneqarput. Asseq saatuniit Uummamut assartuinerniit assilisaavoq.

Aalisartut Uummannap nunaqarfiineersut Uummannameersullu ikioqatigiillutik nioqqutissianik ineriikkanik upernaakkut assartuisarput. Asseq assartuisut Uummannami apuunneranni assilisaavoq.

Aalisartut Ukkusissaneersut, Saattuneersut, Ikerasammeersut Uummannameersuullu 40-iniit amerlanerusut qalerallit nioqqutissiat ineriiikkat pallit 600-iniit amerlanerusut nunaqarfinnit Uummannami Royal Greenlandip tunisassiorfianut sikukkut assartorpaat.

Aalisakkat nioqqutissiat ineriikkat nunaqarfinneersut aasaru sikuerpat assartorneqarnissaasa tungaanut Uummannami Royal Greenlandip quersuini inissinneqarallarput.