Nipisat suaasa akii isumaqatigiissutigineqarput
28.03.2019
Kalaallit Nunaanni Aalisartut Piniartullu Kattuffiat (KNAPK) Royal Greenlandilu 2019-imi piffissaq nipisanniarfiusumi atuuttussamik nipisat suaannut akit minnerpaaffissaat bonusisiassallu pillugit isumaqatigiissusiorput.
Nipisat suaannut akit minnerpaaffissaattut isumaqatigiissutaavoq 32,50 koruunit.
Royal Greenlandip tunisassiorfiinut suaat tunisat annertussusaat aallaavigalugu tapi naatsorsorneqassaaq.
Tunisat annertussutsit ataani allaqqasut aallaavigalugit tapeqartitsisoqassaaq:
0-imiit 500 tonsit tikillugit – kiilumut 2 koruunit
500 tonsiniit 600 tonsit tikillugit – kiilumut 2,5 koruunit
600 tonsiniit 700 tonsit tikillugit – kiilumut 3 koruunit
700 tonsit sinnerlugit – kiilumut 3,50 koruunit.
Nipisat timitaasa akii minnerpaamik kiilumut 4 koruuniussasut isumaqatigiissutigineqarpoq.
Tapi aalisartunut tunniunneqassaaq kingusinnerpaamik decemberip 13-iani 2019.
