Piginnaanngorsaanissamik suleqatigiissuteqartut
Royal Greenland aamma suliffeqarfik VMS Group Danmarkimiittoq maskiinalerinermik ingerlatsisunngortussanik piginnaanngorsaanermik suleqatigiissuteqalerput, taamalu ilaatigut aqumiunik sulisussaaleqilernissaq pakkersimaarniarneqarpoq.
- VMS Groupimik suleqateqalerpugut makinalerinermik ingerlatsisunngortussavut piginnaanngorsarniarlugit. Taamatut suleqatigiissuteqarnitsigut sulisugut suliassaqarfinni immikkooruteqarluinnartuni kingusinnerusukkut ulluinnarni iluaqutigisinnaasaminnik sukumiisumik ingerlataqassapput, Mika Heilmann Royal Greenlandimi kilisaatileriffimmi inuttalerinermi ingerlatsisoq oqarpoq.
Suliffeqarfik VMS Group Frederikshavnimiittoq umiarsuit motooriinut tunngasunik kiffartuussisarfittut, aaqqissuussisarfittut aamma aserfallatsaaliisarfittut immikkut sullissisarfiuvoq umiarsuarnillu nunarsuarmit tamaneersunik sullitaqartarluni.
- Royal Greenlandip kilisaataataani aaqqissuussinermik kiffartuussinermillu suliaqarluta ukiorpaalunni suleqatigiissimavugut. Teknikkimik ingerlatsisoqarfimmi sulisut ilisarisimavagut, taamaammat Royal Greenlandimi sulisut uatsinni sullissisartoqatigit suleqatigalugit sukumiisumik motoorilerisinnaalernissaannik aaqqissuteqarnissamut angernissaq ajornartorsiutaasimanngilaq, Søren Rytter Krogh VMS Groupimi suliniutilerinermi aqutsisuuneq oqarpoq.
Piginnaanngorsaanissamik suleqatigiissuteqarnissamut imarsiornermik inerisaasoqarfik MARCOD aqqutissiueqataasimallunilu suleqataasimavoq.
Matumani nutaarsiassaq tamakkiisoq MARCOD-ip nittartagaaneersoq tamakkiisoq uani atuarneqarsinnaavoq: http://www.marcod.dk/nyheder/item/royal-greenland-og-vms-group-gar-nye-veje-i-udviklingen-af-kvalificeret-arbejdskraft
Paasissutissat:
Allattut assiliisullu: MARCOD
