Saqqami tunisassiorfiup nutarterneqarnerani tunisineq matugallassaaq
Saqqami Royal Greenlandip tunisassiorfiani nutarterisoqassammat tunisassiorfimmut tunisineq matoqqassaaq januarip 27-ianiit februarip sisamaat ilanngullugu.
Allattoq Inga Egede, ineg@royalgreenland.comQerinasuartitsiviit nutaat tunisassiornermilu atortut soorlu nerriviit atortullu allat immikkoortiteriviillu ikkussunneqassapput januarip 29-ianiit februari tallimaat tikilillugu.
- Taamaattumik qaleralinnik tunisineq kingulleq pissaaq januarip 27-iani. Saqqap eqqaani angallannerup qanoq innera apeqqutaalluni tunisineq ammaqqissaaq februarip sisamaani tallimaaniluunniit. Kingusinnerusukkut qaqugorpiaq tunisinerup ammaqqinnissaa pillugu nalunaaruteqarumaarpugut, taama oqarpoq Royal Greenlandimi tunisassialerinermi ingerlatsisoq, Niels Ole Møller.
Saqqami tunisassiorfiup ullormut tunisassiat tunisassiarisartagai maanna ullormut tonsit sisamat tallimasut tunisassiorfiup nutarterneqareernerani 15 tonsinut qaffassapput.
Saqqami tunisassiorfimmi sulisut maanna arfineq marluusut ilai januarip 29-ianiit februarip sisimaata tallimaataluunniit tungaanut nutarterisoqarluni suliaqarnermi suleqataassaput.
