Sikuermat raajanik tunisassiorfik matunngiinnassaaq
Qeqertarsuup Tunuani sikuermat raajarniat taavani aalisaqqilerput. Raajarniat Ilulissani Royal Greenlandip raajanik tunisassiorfianut tunisisarmata raajanik tunisassiorfimmi atortorissaarutinik aserfallatssaaliisoqarnissaa pissutigalugu sapaatip akunnerani 12-imi matusigallarnissamik pilersaaruteqarneq unitsiinnarneqarpoq.
Allattoq Inga Egede, ineg@royalgreenland.com- Maanna raajarniutit tallimat Ilulissani Royal Greenlandip raajanik tunisassiorfianut tunisisarmata uge 12-imi matusigallarnissamik pilersaaruteqarnerput unitsinnaarparput. Tassalu sapaatip akunnerani 12-imi raajarniat tunisiinnarsinnaassapput taamatullu sulisuvut suliinnarlutik, taama oqarpoq Ilulissani Royal Greenlandip raajaleriffiani tunisassiornermi aqutsisoq Jensigne Schmidt.
Raajarniutit sumiiffinni allani raajarnialersimagaluarlutik maanna Qeqertarsuup Tunuani raajarniaqqilerlutik sapaatip akunnerata siulianili Ilulissani Royal Greenlandip tunisassiorfianut tuniseqittalersimasut, Jensigne Schmidtip oqaatigaa.
- Sila allanngormat naleqqussarfigaarput. Taamaattumik kingusinnerusukkut sapaatip akunnerata naanerani sulinngiffeqarallarneq sivitsorlugu raajanik tunisassiorfimmi atortorissaarutinik aserfallatssaaliisoqarnissaa ingerlanneqarumaartoq aalajangiupparput, Jensigne Schmidt oqarpoq.
