Siulersuisuni ilaasortat qinigassanngorteqqittut
Siulersuisuni ilaasortat ataatsimeersuarnermi qinigaasimasut Royal Greenlandip maajip 16-iani ileqquusumik ataatsimeersuartitsinissaani qinigassanngorteqqipput.
Allattoq Káte Hansen, kaha@royalgreenland.comRoyal Greenlandip siulersuisui pingasunngornermi maajip 16-iani nal. 16.00 ileqquusumik ataatsimeersuarnissamut qaaqqusaapput.
Ataatsimeersuarnissami Royal Greenlandip qullersaqarfiani Nuummi Qasapi 4-rami pisussami oqaluuserisassat ilaattut siulersuisunik qinersinissaq eqqartorneqassaaq. Siulersuisut ataatsimeersuarnermi qinigaasut tamarmik ukioq manna qinigassanngorteqqipput, taakkuuppullu siulittaasoq Niels Harald de Coninck-Smith, Jan Harald Lynge-Pedersen, Pernille Fabricius, Sara Heilmann, Tim Ørting Jørgensen aamma Åse Aulie Michelet.
Ataatsimeersuarnermi oqaluuserisassat ilaatigut ilagaat ajunngitsorsiassat pillugit maleruagassaq 2014-imi immikkut ittumik ataatsimeersuartitsinermi kingullermik allanngortinneqarsimasoq, taannalu attatiinnarneqarusuppoq. Taamatuttaaq siulersuisuni siulittaasup ilaasortallu akissarsiassaasa aalajangersarneqarnissaat oqaluuserisassatut eqqartorneqassaaq.
