Sulisunik pikkorissaaneq ataqatigiilersitsivoq
Royal Greenlandip tunisassiorfiani Qasigiannguaniittumi sulisut qiimasut aqutsisullu sulisuminnik pingaartitsisut sulipput. Sulisunik pikkorissaaneq Sulisa+ suliffigissaarnerulernissamut aqqutissiuusseqataavoq.
Allattoq Pilunnguaq Egede-EnoksenSulisunik pikkorissaaneq Sulisa+ apriilip qaammataani Qasigiannguani tunisassiorfimmi sulisunut ingerlanneqarpoq. Pikkorissarneq siullerpaamik 2021-mi ingerlanneqarmat ukioq manna killiffissiuisoqarpoq.
Ilikkakkanik nutarterineq
Pikkorissarnerup killiffissiornerani kingullermik pikkorissarnermi naleqartitat anguniakkallu eqqartorlugit nutarterneqarput. Pikkorissarneq killiffissiuinerlu pikkorissartut sulisullu pissarsiaqaatigeqaat.
- Pikkorissarnermik killiffissiuineq iluaqaaq. Kingullermik 2021-mi Sulisa+ ingerlanneqarmat ataatsimoorussamik naleqartitagut eqqartoqqippagut. Naleqartitatta tunisassiorfimmi ingerlateqqinnissaannut sakkussanik nutaanik pissarsivuguttaaq. Sulinerup ingerlaqqinnerata malinnaaviginissaanut qilanaarpunga aamma aqutsisoqatigiit qaammatit pingasukkaarlugit killiffissiuilluta ataatsimiittarniarpugut, Qasigiannguani tunissiorfiup aqutsisua, Hans Grønvold, oqaluttuarpoq.
Sulisutsialak
Suliffigissaarnerulernissamut suliniutit ilaat tassaavoq qaammatikkaartumik sulisutsialammik toqqaasarneq. Tunisassiorfimmi qaammatikkaartumik ataatsimiinnernut atatillugu sulisutsialak toqqarneqartarpoq.
- Tunisassiorfik Qasigiannguaniittoq isikkivigilluinnarlunilu tunisassiorfitta kusanarnerpaat ilagaat. Tunisassiorfimmi inunnik qiimasunik ulikkaarpoq. Aqutsisut sulisuminnik pingaartitsinerat ersareqaaq. Qaammatikkaartumik sulisutsialammik toqqaasarneq tunisassiorfimmi ataqatigiilersitsivoq, Royal Greenlandimi inerisaanermi siunnersorti, Nina Heilmann Larsen oqaluttuarpoq.
Sulisutsialammik toqqaasarneq ataqatigiilersitsivoq, aammali sulilluartunik persuarsiutiginninnissaq periarfissaalerpoq. Killiffissiuinerup kingorna suliffiup nuannersup suli nuannernerulernissaanut anguniagassanik nutaanik toqqaasoqassaaq.
Sulisunik pikkorissaaneq Sulisa+
Sulisunik pikkorissaaneq Sulisa+
- Sulisunik pikkorissaaneq Sulisa+ Royal Greenlandip tunisassiorfiinut annernut tulluarsagaavoq
- Pikkorissarneq sumiiffinni 17-ni ingerlanneqareerpoq
- Inuit 500-t sinnerlugit pikkorissarsimapput
- Pikkorissarneq ingerlaavartumik ineriartortinneqartoq ukiuni tulliuttuni sumiffinni amerlanerusuni ingerlanneqassaaq
- Pikkorissarnermi inuttut ineriartorneq, aqutsisutut ineriartorneq kiisalu suleqatigiilluarsinnaaneq sammineqartarput
