Royal Greenlandip ilinniakkaminnik naammassisut pilluaqquai
Ilinniartut ukiut tamaasa Royal Greenlandimi suliffimmik misiliisarput. Tamanna ingerlatseqatigiiffimmut pingaaruteqarpoq, Royal Greenlandillu ukioq manna ilinniakkaminnik naammassisut pilluaqquai.
Allattoq Mathies Hvid ToftRoyal Greenland ilinniarfeqarfinnit assigiinngitsuneersunik suliffimmik misiliisunik ilinniartuuteqartarpoq. Ilinniartut ilaatigut Inuili-meersuusinnaallutillu KTI-meersuusinnaasarput.
Royal Greenlandip ilinniakkap pitsaassusaanik qaffassaaqataanerata saniatigut, ilinniartut ullut tamaasa ingerlatseqatigiiffimmut tapersiilluartarput, Jens K. Lyberth Royal Greenlandimi attaveqatigiinnermut sulisoqarnermullu pisortaasoq nassuiaavoq.
- Inuaqatigiinnut tapersiineq ingerlatseqatigiiffimmut pingaaruteqarluinnartuuvoq, ilaatigullu suliffinnik misiliiffissanik periarfissaqartitsilluarnikkut taamaaliortarpugut. Periusitsinnut pingaaruteqartumik inissisimallunilu FN-ip nunarsuarmi anguniagaanik aallutaqarnitsinnut ilaavoq. Tamatuma saniatigut ilinniartuutigut Royal Greenland pitsaanerulersikkumallugu ullut tamaasa tapersiisarput, Jens K. Lyberth oqarpoq.
Pilluaritsi
Ullumikkut ilinniartut pingasut Nuummi Niuernermik Ilinniarfimmeersut kiisalu ilinniartut marluk KTI-meersut ilinniakkaminnik naammassipput. Royal Greenlandip nunatsinni ilinniartut ilinniakkaminnik nammassisut tamaasa pilluaqqungaarpai.
- Royal Greenlandimi sulisimanerannik qutsavigalugillu siunissami iluatsitsilluarnissaannik kissaappagut, Jens K. Lyberth oqarpoq.
Royal Greenlandimi ilinniarfissat pillugit paasisaqarnerorusukkuit una tooruk.
