Pissuseqatigiiaanik nutaanik niueruteqarneq
Pisuussutit immameersut akisussaassusilimmik atorluarnissaat sulissutigiumavarput
Suliffeqarfittut nunarsuarmi inunnut amerligaluttuinnartunut inuussutissanik pilersueqataassagutta pisuussutit immameersut siunissami atorluarnerussavagut.
Taamaaliussagutta pissuseqatigiiaat amerlanerit niuerutiginissaannut inerisarnissaat atuisunullu inuussutissatut pissarsiarineqarsinnaanissaat periarfissaavoq. Tunisassiat nutaat najukkani suliffissanik amerlanerusunik pilersitsisinnaammata tamanna niuernitsinnut inuiaqatigiinnullu iluaqutaassaaq.
Nunatsinni ineriartortitsinermut immikkoortortaq immami uumassusilinnik ilisimasalimmik laboratoriamilu sulisunik inuttalik misileraalluni aalisarnermik aallussilluni suliaqarlunilu pissuseqatigiiaanik nutaanik, soorlu siuterorsuarnik, eqqusanik, inalugalinnik qeqqussanillu ineriartortitsivoq. Aalisarneq, naatitsineq misissugassanillu katersineq piffissami sivisuumi suliarineqartarput, ukiullu ilaani katersiffissanngoraangat ilisimasagut amerligaluttuinnarlutillu pisuussutit immameersut niuerutigineqarnissaannut naleqqussaraluttuinnartarpagut.
Nalorninartut & periarfissat
Pissuseqatigiiaanik tukertitaanngitsunik aalisarnermik pisariaqartitsineq ataavartumik ingerlanneqartutut, pisuussutilli killeqarnerannik, isigineqarpoq, nalorninartoqarsinnaavorlu. Imaq taamatuttaarlu uumasoqassuseq avatangiisinit aalisarpallaartoqaratarsinnaaneranillu sunnertiasuupput.
Taamaammat pissuseqatigiiaanik aalisariikkatsinnik nungusaataanngitsumik aalisarneq siuarsarniarlugu pissuseqatigiiaallu taamatuttaarlu aalisarnerit nutaat niuerutiginnaalerumallugit Royal Greenlandimi suliniuteqarpugut. Qeqqussanik naatitsilluni tunisassiornermik misileraaneq qeqqussanillu naatitsinerup ilaatigut inuussutissatut nioqqutigisussanngorlugu ilaatigullu CO2-mik toqqorsinissamut atugassanngorlugu annertusarnera ukiuni kingullerni suliaraarput.
2022-mi iliuutsit inernerillu
- Nunatsinni Maniitsup eqqaani qeqqussanik naatitsiviup ukiup ataatsip iluani allisinneratigut tunisassioriaatsimik pitsanngorsaaneq sikoqarneranik, allunaasat quajaateqalernerinik qeqqussallu naasortaata ikkussuunnissaani silarlussiornermik sunnerneqartoq.
2019-2022-mut anguniakkat piviusunngortitsinerillu:
Anguniakkat
Pissuseqatigiiaat nutaat minnerpaamik ataatsit niuerutigineqalissapput
Anguniakkanik naammassinninneq:
Pissuseqatigiiaanik nutaani aalisarnerup siuarsarneqarnissaanut annertuumik suliniuteqartoqaraluartoq misileraatitut aalisarneqartunik qeqqussanillu tunisassianik nioqquteqarnissaq suli maannamut iluatsinngilaq.
Pissuseqatigiiaat immap naqqata nalaani uumasut nikinnerlu ajortut pisariniaraanni immap naqqanik kiliortuinissaq pisariaqarmat eqqusanut siuterorsuarnullu tunngatillugu atortut suliami atorneqarsinnaasut pillugit akuersissummik pissarsinissaq unammillernarpoq. Aalisarneq sumiiffinnut aalajangersimasunut killilerneqassammat suliassaq aalisarnermut piniarnermullu naalakkersuisoqarfik suleqatigalugu suliarineqassaaq.
2030-mut angorusutat
Pissuseqatigiiaat nutaat minnerpaamik pingasut niuerutigineqalissapput
