Ice Trawl Greenland A/S tapiissuteqartalissaaq
Uummannami, Ilulissani Qasigiannguani Sisimiunilu atuaqatigiiaat atuartullu ataasiakkaat Nunani Avannarlerni oqaatsitigut, avatangiisimut tunngasunik kulturikkullu tunngasunik paasisassarsiorlutik angalanissaannut aningaasatigut tapiissuteqartoqartalissaaq. Atuaqatigiianut atuartunulluuniit ataasiakkaanut immikkut eqiasuitsunut, piumassuseqartunut piginnaanilinnullu akissarsititsinernut atugassanik tapiissutinik aamma qinnuteqartoqarsinnaavoq.
Aalisarnermik ingerlatitseqatigiiffiup Ice Trawl Greenland A/S-ip angalanissanut taapiissutinik ukiumut 200.000 koruuninik amerlassuseqartunik pilersitsineratigut meeqqat inuusuttullu aalisarnermik ingerlatsitseqatigiiffiup piginnituuisa illoqarfinni aallaavianeersut Uummannami, Ilulissani, Qasigiannguni Sisimiunilu atuaqatigiiaat atuartulluuniit ataasiakkaat angalanissaat tapiiffigineqarsinnaalerput.
- Nanani Avannarlerni inooriaatsit kulturikkullu ileqqut pillugit meeqqat inuusuttullu ilisimasaqarnerulernissaat pingaartillugu Ice Trawl Greenland A/S-imiit tunniussaqarusuppugut. Atuaqatigiiaat atuartullu ataasiakkaat angalanissaannut allatigullu kulturikkut suleqatigiinnermik tunngassuteqartunik Nunani Avannarlerni imaaluunnit atuartut nunatsinni illaqarfinni allanut angalassatillugit aningaasatigut tapiissuteqarusuppugut, Ice Trawl Greenlandimi siulersuisuni siulittaasoq, Ove Rosing Olsen oqarpoq.
Ineriartornermut tapertaapput
Ice Trawl Greenland A/S inunnit 34-init Royal Greenlandimillu piginneqatigiiffiuvoq. Ove Rosing Olsen oqarpoq meeqqat inuusutullu piginnittut illoqarfinni allaaveqartut aningaasatigut tapiissuteqarfigisarniarlugit toqqarsimagitsik.
- Ice Traw Greenland A/S piginneqatigiiffik siuarsaasuuvoq ingerlalluartuullunilu. Nuannaarutigaarput aalisarnerup tungaatigut ineriartortitsinitta saniatigut aamma allatigut inuiaqatigiit ingerlanerannut iluaqutaasinnaagatta.
Meeqqat inuusuttullu Uummannami, Ilulissani, Qasigiannguanilu atuarfinni atuartut 2018-imi aggustusip aallaqqaataaniit makkununnga atugassanik taapiisutinik qinnuteqarsinnaavoq:
Paarlaasseqatigiilluni angalanernut Nunani Avannarlerni uku akornanni : Kalaallit Nunaat, Island, Savalimmiut Norgillu Avannaa.
Atuaqatigiiaat atuartulluunniit ataasiakkaat avitseqatigiinnermik siunertalimmik - minnerpaamik nunat marluk akornanni, soorlu atuartut illoqarfianniit Nunani Avannarlerni nunat arlaannut angalanissanut tapiissutinik qinnutigineqarsinnaavoq.
Atuaqatigiiaat imaluunniit atuartut ataasiakkaat oqaatsitigut piginnaanngorsaqqinnerannut, avatangiisit pillugit paasisassarsiornernut, kiisalu kulturikkut paasisassarsiornernut tunngassuteqartunut angalanernut tapiissutinik qinnutigineqartoqarsinnaavoq
Atuaqatigiianut atuartunulluuniit ataasiakkaanut immikkut eqiasuitsunut, piumassuseqartunut piginnaanilinnullu akissarsititsinernut atugassanik tapiissutinik aamma qinnuteqartoqarsinnaavoq.
2018-imi aggustusip aallaqaataaniit uunga tapiisutinik qinnuteqartoqarsinnaavoq:
Ice Treawl Greenland A/S
Umiarsualivimmut 25
3911 Sisimiut
E-mail: ovro@royalgreenland.com
