Nataarnaq pisaqangaatsiarsimalluni tulappoq
Royal Greenlandip Ice Trawl Greenland A/S-illu kilisaataataat 2022-mi marlunngornermi juulip 26-ani aatsaat taamak pisaqarsimatigaluni tulappoq. Raajat tusind tonsingajaat qaammatip ataasingajaap ingerlanerani kilisanneqarput.
Allattoq Masaana EgedeKilisaatip M/tr Nataarnap 958.612 kg ulluni 26-ni kilisappai, kilisaallu nutaajusoq atulernerminiit maannamut aatsaat taamak pisaqartigaaq.
- Inuttat anugsaat tulluusimaarutigaarput. Angusaq kusanarluinnarpoq, taamaalillutalu nutaalianik aalisariuteqarnissap pingaaruteqassussaa aammattaaq uppernarsivarput, Ove Rosing Olsen, Ice Trawl A/Simi siulersuisuni siulittaasoq oqarpoq.
Kilisanneqartut affai sinnerlugit tassaapput raajat Orange head A+-inik taaneqartartut. Raajat angillutillu kusanartuupput, nunanilu tamalaani niuerfinni piumaneqarluinnaramik aamma nalitoorujussuupput.
Kilisaat M/tr Nataarnaq atuutilernerminiit arlaleriarluni angusarissaartarpoq. Rekortiliinermi kingullermi raajat 881.222 kg tulaanneqarput.
M/tr Nataarnaq Royal Greenlandip kilisaataataasa nutaaliaanerullutillu piujuartitsinermik tunngaveqarnerulernissaannik anguniagaqarnermut ilanngullugu 2022-ip aallartinnerani atulersinneqarpoq.
Umiarsuaq 82,3 miiterisut takissuseqarlunilu 18 miiterisut silissuseqarpoq. 2950 kubikmiiterinik useqarsinnaanermigut sivisunermik avalaqqasinnaanngorlunilu talittarnerit taamaalillutik ikinnerullutillu akunnerit 24 ataallugit sivisussuseqarsinnaanngorput.
Inuttat 30-t inissaqarlutillu ataasiittarissanik ineeraqarpoq, aammattaaq timigissartarfeqarlunilu pitsaasunik eqqumiitsuliortuniillu nunatsinneersunit kusassakkanik isersimaartarfeqarpoq.
Ice Trawl Greenland pillugu paasisaqarnerorusukkuit tuugassaq una toorlugu ingerlatseqatigiiffiup oqaluttuarisaaneranik atuakkiaq takusinnaavat.
