Royal Greenlandimi 2023-mut ukiumut naatsorsuutit akuerineqarlutillu siulersuisunut ilaasortanik nutaanik toqqaasoqarpoq

Ileqquusumik ataatsimeersuarneq, eqqartuussissuserisumit Thor Suhr-imit aqunneqartoq, siulersuisuni siulittaasumit Malîna Abelsenimit kiisali Naalakkersuisut siulittaasuannit Múte Bourup Egedemit aallarniiffigineqarpoq. Piginnittut tamarmik najuupput, ataatsimeersuarnerlu inatsisinik naapertuisutut aalajangiiffiusinnaasutullu nalunaarutigineqarpoq.

Siulersuisuni ilaasortanik taasineq ullormi oqaluuserisassaniipportaaq. Malîna Abelsen, Niels Thomsen, Preben Sunke kiisalu Arnannguaq Holm Olsen qinigaaqqipput, ilaasortatullu nutaatut Janne Moltke-Leth aamma Karsten Høy toqqagaallutik. Susanne Christensen, Jesper Høyer kiisalu Johanne Jensen siulersuisunit tunuarput.

Janne Moltke-Leth siusinnerusukkut Københavnip Mittarfeqarfiani niuernermut pisortatut kiisalu Kolpin Hotelsimi pisortaanertut atorfeqarpoq. Karsten Høy Namminersorlutik Oqartussat inuussutissarsionermik siuarsaanermut ingerlatseqatigiiffiani Nalik Venturesimi kiisalu Greenland Rubymi pisortatut atorfeqarnikuuvoq.

Pisortaaneq Susanne Arfelt Rajamandip ukiumoortumik nalunaarusiaq 2023-imoortoq saqqummiuppaa, taannalu akerliusoqarani akuerineqarsimavoq. Ukiumoortumik naatsorsuutit, siulersuinit siunnersuutigineqartut malillugit agguarneqarpoq aningaasanik aggornersiuteqartinnagu.

EY Godkendt Revisionspartnerselskab naatsorsuuserisutut qinigaaqqippoq.

Ileqquusumik ataatsimeersuarneq allamik ilassuteqartinnagu naammassineqarpoq. Ileqquusumik ataatsimeersuarnermi toqqaannartumik videop immiunneqartup takuneqarnissaanut periarfissaqarpoq, kiisalu ileqquusumik ataatsimeersuarnerup aallartinnginnerani Royal Greenlandimi sulisunit suliarineqarsimasut pillugit saqqummiussinerit MAANA takuneqarsinnaavoq.

Ukiumoortumik naatsorsuutit akuerineqartut akuerineqarnerat nuannaarutigalugulu siulersunut ilaasortat nutaat tikilluaqquagut, taakkuummata Royal Greenlandip siunissami ineriartornissaanut ingerlalluarnissaanullu qulakkeerinneqataasussat. Piginneqataasut sulisugullu tunniusimallutillu tapersersuimmata qutsavigaagut.