Aalisakkanik assartuut Uummannami atuuttussaq qinnuteqaatigineqarpoq
Kilisaatip Sermiliup Uummannamiit Qeqertarsuup Tunuani Royal Greenlandip tunisassiorfiinut aalisakkanik assartuisutut ivertinneqarnissaa qinnuteqaatigineqarpoq. Taama paasissutissiivoq Royal Greenlandimi tunisassialerinermut ingerlatsisoq, Meinhard Jacobsen.
Allattoq Inga Egede, ineg@royalgreenland.comNukissiorfiit Uummannani Royal Greenlandip tunisassiorfia imermik assartuutit atorlugit assartuinissaminik ippaassaq sapaammi pinngortitamut avatangiisinullu pisortaqarfimmiit akuersissummik pivoq, kisiannili imermik misissuinerup kingulliup ersersimmagu Uummannami imeq suli oliemik akoqarpallaartoq pilersaarut unitsiinnaarneqarpoq.
- Ullaaq Nukissiorfinniit nalunaarfigineqarpugut Uummannami imermik misissuinerit kingulliup takutikkaa imeq suli oliemik akoqarpaallaartoq. Taamaattumik Kilisaatip Sermiliup Uummannamiit Qeqertarsuup Tunuani Royal Greenlandip tunisassiorfiinut aalisakkanik assartuisutut ivertinneqarnissaanik qinnuteqaateqarpugut. Manna pisortaqarfimmiit akissutisinissarput utaqqivarput, Meinhard Jacobsen oqarpoq.
Kilisaat Sermilik maannakkut Nunatta Kujataani aalisarpoq, pisortaqarfimmit akuersissut tunniunneqarpat Serrmilik Uummannamukassaaq.
